Home Policial Polis a descubri hende ta tene fiesta na Beach sin ningun permiso

Polis a descubri hende ta tene fiesta na Beach sin ningun permiso

728
0
SHARE
- Advertisement -

ORANJESTAD (AAN): Pa awor caba, tur hende sa masha bon cu si bo kier organiza un fiesta riba beach na Aruba, hasta pa habri stul, pone mesa, of pone musica toca, bo tin di busca un permiso di antemano.

Diadomingo siman pasa banda di 5:15 pm, un unidad di Strandpolitie cu tabata coriendo riba LG Smith Boulevard, a yega na e area di lorada di e Boulevard, y a mira cu tin un tipo di fiesta riba beach.

Tabatin cantidad di stul, mesa, un Barbecue grill, y musica duro ta tocando.

Mesora Polisnan a stop pa asina haci un control.

Aki e dama di inicial A. a bay papia cu Polis.  Mesora Polis a puntre pa mira su permiso pa pone mesa, stul, y musica.

Aki e dama A. a bisa cu e no tin ningun clase di permiso.  Polis mesora a bise, cu awor semper bo tin di pidi un vergunning pa haci esaki riba beach.  Ademas Polis a subraya cu ta completamente prohibi pa bo pone un Barbecue grill sea di carbon of gas riba beach.

E dama di inicial A. a mustra comprension, y a dicidi mesora pa kita e Barbecue grill for di riba beach, y lo bay tene cuenta cu den futuro tin di busca permiso pa cualkier actividad riba beach ora cu ta pone stul y mesa.  Tin di busca e vergunning aki na tempo.

Polis a adverti e dama di inicial A., cu si acaso e laga beach y e area ey sushi ora cu nan pasa controla despues, cu e lo bay keda esun responsable pa atende cu autoridad, y cu e ta core riesgo di haya un procesverbaal.

Mesora Polis a notifica Comandante di Warda tambe di loke nan a topa cune, pa asina demas patruyanan por pasa controla despues.

 

- Advertisement -

DUNA COMENTARIO

Please enter your comment!
Please enter your name here