Home Salud Prome cu bay cu vakantie wak kico ta e factornan di risico...

Prome cu bay cu vakantie wak kico ta e factornan di risico cu por presenta na bo pais di destino

19
0
SHARE
- Advertisement -

Temporada di vakantie ta den porta

ORANJESTAD (AAN):  Departamento di Salud Publico den nan conferencia semanal a trece dilanti un otro topico interesante y informativo pa comunidad di Aruba.

Jurette Croes, vocero di DVG a indica cu ta drentando den e temporada di vakantie y hopi hende ta viaha den e dianan aki.

Ta importante pa prome cu un persona pensa di bay di viahe tuma un tempo y haci investigacion di unda ta bay y kico ta e factornan di risico cu por tin influencia ariba salud. Asina por proteha bo mes y haya tips.

Ariba e topiconan aki, Ronald Geerman di Seccion di Malesanan Infeccioso kende a duna di conoce cu ora di biaha ta bon pa tuma contacto cu DVG, via telefon, pa asina bo por haya algun informacion adicional ariba e lugar en particular cu bo ta bay.

El a pone enfasis cu no ta solamente e vacuna di gele koorts ya cu tin diferente factor cu mester tene cuenta cune, cu no ta solamente cu mester evita door di vacuna, pero malesanan cu ta wordo transmiti door di sangura y cuminda.

Esey por wordo evita door di practica higiena. Laba man bon y kies bon unda bo ta bay come. Tambe tin e factor di sangura cu ta aconseha pa yama Seccion di Malesanan Infeccioso of haci algun investigacion y biaha cu repelente pa evita esey, Geerman a señala.

Banda di esaki tin e factor di e personanan cu tin malesanan cronico manera diabetes, presion halto, etc. E personanan aki mester corda bon di bay cu suficiente medicamento pa e no caba durante e vakantie.

Un otro factor ta esun di bestia. Tin hende cu ta gusta bestia y ariba caya ta wak un cacho bunita y ta pasa man ariba e cacho y ata, e cacho a mord’e. Mester evita esey, pero si acaso bo wordo mordi door di un cacho, pushi, macaco, etc of e personanan ta bay lugarnan exotico si algo pasa bo pa tuma cu docter na e pais cu bo a bishita, Ronald Geerman a laga sa.

El a sigui bisa cu periodicamente Organizacion Mundial di Salud (OMS) ta pone un ‘update’ di e malesanan cu tin na e paisnan. Pero si tin cierto malesanan cu ta creciendo na e momento aki ta te despues di cierto tempo, OMS ta ‘update’ locual nan tin.

Segun Geerman, e lista di paisnan cu riesgo ta cambia y pesey ta importante pa tuma contacto cu DVG pa haci e investigacion di wak online kico tin andando. “Pasobra mi por bisa aworaki e caso ta X pero pa mayan el a cambia”, a bisa.

Un persona cu bin di afo malo mester bay su docter di cas of tuma contacto cu su docter di cas, splica kico e tin, cual sintomanan pa asina docter determina con urgente su caso ta y pa e cuminza cu tratamento mas lihe cu ta posibel pa evita complicacionnan, a remarca.

- Advertisement -

DUNA COMENTARIO

Please enter your comment!
Please enter your name here