Maneho nobo andando na Departamento di Labor
ORANJESTAD (AAN): Ronny Irausquin, Director di DPL a duna di conoce cu nan ta bezig cambiando nan maneho. El a bisa cu den nan beleid tabata asina cu si un persona ta bay pa proyecto di tres luna, e no mester pasa DPL.
E persona ta bay DPL, registra y ta sigui e caminda pa DIMAS.
Durante reunionnan cu stakeholdernan, a cambia e proceso mirando cu DIMAS tine na 6 luna. E ora DPL a dicidi di cambia nan maneho y hacie mescos cu DIMAS pa no contradeci otro, a indica.
E ora e maneho di DPL a bira cu si un persona ta bin cu un proyecto y ta menos di 6 luna, e no mester pasa DPL pa haya ‘notificatie brief’ of cualkier carta. Gewoon ta bay DIMAS pasobra e ta un proyecto di menos di 6 luna, Irausquin a laga sa.
Si ta un proyecto mas cu 6 luna e ora si mester bay DPL pa haci e procedura normal.
E director di DPL a laga sa cu nan ta prefera pa un compania cu kier trece un hende di afo pa un proyecto pa prome sondea den e mercado local. DPL ta habri pa asina wak kico tin pa ofrece.
Den casonan unda e proyecto ta extende mas cu 6 luna, e ora mester bay DIMAS pa wak si ta extende e permiso pa un luna mas, a remarca.
