Home General Rampen Bureau ta bay introduci sistema di bandera na beach

Rampen Bureau ta bay introduci sistema di bandera na beach

100
0
SHARE
- Advertisement -

Por scapa bida di un turista door di informa nan tocante peliger

ORANJESTAD (AAN):  Rino Hermans di Departamento di Calamidad a bisa den entrevista cu DIARIO den e ultimo tres simannan e biento ta basta fuerte y Meteo ta sacando e boletinnan pa tene cuenta cu esey.

Pa loke ta e parti di e beach, e parti turistico, a señala, tin deficiencia ariba e manera con ta informa e usuarionan di e beachnan.

A agrega cu Rampen Bureau ta trahando ariba e maneho pa esey pa bolbe introduci e sistema di e banderanan na beach. Si ta bandera cora pa no bay landa, por ehempel.

Ta kedando cla cu e maneho aki y pa introduci’e y pa pidi e colaboracion di e sector hotelero, a bisa.

Recientemente tabata tin e caso di un turista cu a perde su bida ora el a bay landa na Punta Brabo siendo cu arubianonan mes no ta landa eynan. Pero turista tampoco sa cu e area ey ta peligroso.

Rampen Bureau kier introduci e bandera, cu ta algo cu no por costa mucho pero cu por scapa bida di un hende door di informa nan tocante e peliger existente den e area.

Comunidad ta haya informacion pero e turistanan no ta hayando informacion. Tin un deficiencia den e aspecto aki. Despues cu e turista a hoga a bati alarma na Rampen Bureau y pesey ta trahando e maneho pa mande pa Aruba Tourism Authority y AHATA pa su miembronan y wak con hunto por bin cu un maneho pa e beachnan, Hermans a laga sa.

 

- Advertisement -

DUNA COMENTARIO

Please enter your comment!
Please enter your name here