Home Policial Rekerimento di asistencia militar ta bay cay bao di e capa di...

Rekerimento di asistencia militar ta bay cay bao di e capa di Cuerpo Policial

289
0
SHARE
- Advertisement -

Alto Comisario Andrew Hoo

ORANJESTAD (AAN):  Alto Comisario di Polis, Andrew Hoo a referi na e tema militar y e rol di polis den esaki.

El a indica cu esaki a surgi pa motibo di e situacion na Venezuela unda ta wak cu durante e transcurso di tempo cu ta pasa cu tin botonan cu ta yega Aruba y pesey a forma un Kust Surveillance di Cuerpo Policial conhuntamente cu Douane.

Esey ta trece cune cu ora cu tin cierto accionnan asina ta traha den forma conhunto. Hopi biaha ta wak ki specialidad mester den e accion ey, a bisa.

Tin biaha mester di ayudo militar tambe pero esey ta keda un decision di Alto Comisario y nan ta papie hunto cu Ministerio Publico, kico lo mester wordo haci y den ki forma, a indica.

Alto Comisario a sigui bisa cu no ta asina zomaar cu ta bisa cu mester di asistencia militar. Esaki mester cana un proceso y conhuntamente cu e otro partnernan manera Douane, Kustwacht, Cuerpo Policial, Warda Nos Costa ta dicidi si en berdad mester asistencia militar.

A agrega cu tabata tin un par di casonan recien unda e comunicacion no a bay mucho bon. Esey a trece un tiki discordia entre algun di e partnernan y internamente den Cuerpo Policial tambe. Tabata tin algun polis cu no a compronde e proceso mucho bon.

Pero esey a wordo papia caba cu e PG interino y cu Minister di Husticia, a subraya.

Andrew Hoo a agrega cu afspraaknan mester wordo haci y e ta kere cu conhuntamente nan tin cu traha pa soluciona e problema aki. A enfatiza cu mester tambe ayudo di pueblo pa avisa kico ta pasando.

E asunto di asistencia militar ta bay cay bao di e capa di Cuerpo Policial y no ta asina cu e mariniersnan ta bin y ta tuma over un operacion. “E ta cay bao capa di Cuerpo Policial y bao nos direccion”. Asina e RST ta bay,  a remarca.

A palabra hunto cu e militarnan y cu Ministerio Publico cu situacionnan cu ta trece confusion no lo ripiti mas, a señala.

- Advertisement -

DUNA COMENTARIO

Please enter your comment!
Please enter your name here