Home General Relaciona cu Dia di San Juan mester tene cuenta cu tin basta...

Relaciona cu Dia di San Juan mester tene cuenta cu tin basta biento y e isla ta hopi seco

87
0
SHARE
- Advertisement -

Eduard de Cuba, Comandante di Cuerpo di Bombero

ORANJESTAD (AAN):  Dialuna awor ta e fiesta di Dera Gai of Fiesta di San Juan cu tur aña ta wordo celebra aki na Aruba.

Eduard de Cuba, Comandante di Cuerpo di Bombero a duna di conoce cu hopi hende ta prepara for di cuminzamento di aña caba, cu sconde nan clapchi, warda nan kerstboom pa nan por tin nan candela pa e dia di San Juan.

Tur aña Brandweer ta pidi pa tene cuenta unda ta cende candela y con ta hacie. Aworaki tin algun pa di dia cu Aruba ta hayando awacero pero tin hopi tempo cu e isla ta seco cu hopi yerba y matanan seco rond, de Cuba a indica.

Un candela chikito por crece bira grandi y no solamente molestia pero tambe bira peligroso pa bisiñanan y henter un becindario. Den e dianan aki tambe tin hopi biento y esey ta pone cu e huma cu ta wordo produci no ta saludabel principalmente pa e hende grandi, esnan malo y e muchanan chikito, a subraya.

E momento cu ta disfrutando di un candela chikito por tin consecuencianan hopi grave pa un otro persona, a agrega.

Segun Eduard de Cuba, tur aña Cuerpo di Bombero ta prepara pa un ‘worst case scenario’, pero aworaki coriendo rond nan ta constata cu e secura ta basta y mester tene cuenta cu esey.

Si bo ta bay cende un candela den bo tereno di cas of den bo cura zorg pa e ta limpi rond pa e no por sigui cana, bay den otro partinan, den mondi of den un otro cura di un otro cas, a enfatiza.

Den pasado tabata tin casonan di casnan cu a kima durante e celebracion di San Juan. Aworaki cu biento ta fuerte, esey ta pone cu ni kico bo haci, e no ta bay yuda. Ta bay tin mester di hopi awa y hopi esfuerzo pa domina un candela. Esey ta pone cu e peliger ta hopi eminente e momento ey, de Cuba a señala.

El a sigui bisa cu e mihor cu por haci den e dianan aki ta chapi e yerba y kit’e, Si no por bay asina leu, por tira un tiki awa ariba e yerba. Semper toch mester keda cu un bista ariba dje pasobra un accidente por sosode den un fraccion di seconde.

- Advertisement -

DUNA COMENTARIO

Please enter your comment!
Please enter your name here