ORANJESTAD (AAN): Vocero di Bureau City Inspector, Robby Rosel a duna di conoce cu durante cu vehiculonan ta mobilisa ariba e camindanan principal entre hospital pa Mahuma por a bin nota cu tin resto di asfalt ariba caminda.
Mesora a tuma contacto cu Hoofd di BCI pa meld esaki. Durante di control a bin tuma nota cu esaki ta asfalt di e trucknan di Mota Engil cu ta transporta asfalt y cu esaki ta laga tur e resto di asfalt cai ariba caminda y ora cu auto pasa ariba esaki e ta pega na e tire di auto y ta keda susha tur e caminda.
BCI a yama DOW y pone nan na altura di e caso aki. Hoofd di BCI a papia cu e hefe di Mota Engil encarga cu e trabao.
E persona encarga a admiti cu e ta na altura di e sucedido . Nan a bisa cu lo manda personal pa por hasi e limpieza di e caminda.
A pone nan na altura cu nan ta responsabel pa cu e sucedido aki. E hefe a compronde y admiti cu nan ta keda responsabel pa esaki. Si abo tambe ta mira tipo di casonan asina raporta pa medio di: www.infrAruba.com.
