Home General Riba Diabierna tambe a “Show Your Stripes Aruba”

Riba Diabierna tambe a “Show Your Stripes Aruba”

11
0
SHARE
- Advertisement -

ORANJESTAD (AAN): Meteorologonan di prensa y expertonan di clima a uni nan mes riba Diabierna 21 di juni pa encurasha personanan pa “Show Your Stripes”, “Mustra bo Strepinan”.

Esaki ta pa crea conscientisacion di cambio climatico. E campaña ta inspira door di experto di clima na Universidad di Reading na Inglatera, Prof.Ed Hawkins. Ed Hawkins tambe ta e autor principal den e ultimo rapport di Clima di IPCC (Intergovernmental Panel on Climate Change).

E idea di e “warming stripes” o “strepinan di cayente” ta, pa na un manera facil y visual un persona por haya un idea di con e temperatura ta cambia riba panorama global o local. Comision Nacional di UNESCO Aruba, a haci uzo di datos di clima di Aruba y centronan di data internacional pa crea e Show Your Stripes pa Aruba.

Manera ta e caso na hopi otro paisnan rond mundo e strepinan ta cambia di blauw pa cora. Esaki ta indica cu e pais su temperatura ta aumentando.

Segun Organizacion Mundial di Meteorologia, e ultimo 5 aña (2014-2018) tabata e e añanan mas calor globalmente. Segun Servicio Meteorologico di Merca, aña 2019 te cu e periodo di awo, lo ta e di tres aña mas calor globalmente.

Cambio climatico ta un topico hopi importante. Mas di 30 programa di UNESCO den ciencia, educacion, cultura y comunicacion ta contribui na crea conocimiento ariba cambio climatico, y e consecuencianan etico pa generacionnan di awo y den futuro.

Pues 21 di juni tabata comienso di zomer o winter dependiendo unda bo ta biba, “Show your Stripes”.

- Advertisement -

DUNA COMENTARIO

Please enter your comment!
Please enter your name here