Home Parlamento Rocco Tjon: Proyecto “Port City Aruba” mester haya tur prioridad

Rocco Tjon: Proyecto “Port City Aruba” mester haya tur prioridad

49
0
SHARE
- Advertisement -

ORANJESTAD (AAN): Rocco Tjon di Partido MEP, a reacciona riba e hecho cu Minister di Turismo, sr. Dangui Oduber a anuncia cu e proceso di destaho publico pa e proyecto “Port City Aruba” ta den etapa final.

Fraccion di MEP ta sostene e vision di Minister pa “Port City Aruba” bira un realidad, pasobra pa hopi aña e tereno aki no ta genera entrada pero solamente gasto pa pais Aruba.

E storia ta cu lo desaroya y construi mas o menos 8000m2 pa aña. E impacto cu e desaroyo aki lo tin riba e sector di construccion anualmente ta hopi positivo. Hunto cu e desaroyo aki pais Aruba lo conoce mas cupo di trabao y obviamente mas entrada tambe.

E impacto economico durante y despues di e fase di construccion ta mustra di ta sumamente positivo. Esaki ta loke a conclui di e investigacion pa loke ta e proyeccionnan haci. E impacto riba turismo, segun e modelo di “High value Low Impact” lo ta significante, pero tambe e lo tin un impacto significante pa loke ta aspectonan laboral y comercio en general.

MEP ta kere den e vision di Minister di Turismo pa transforma un area “morto” cu ta costa pais Aruba placa den uno cu ta bay genera entrada pa pais Aruba, cupo di trabao pa nos comunidad y un area recreaccional caminda pueblo por acudi pa entretene nan mes y relaha.

Preguntanan por escrito a worde haci na Minister Dangui Oduber, pa e por indica na ki momento lo inicia e proyecto aki.

 

- Advertisement -

DUNA COMENTARIO

Please enter your comment!
Please enter your name here