Home Comentario San Juan ta inicio di cambio den condicion di tempo

San Juan ta inicio di cambio den condicion di tempo

22
0
SHARE
- Advertisement -

E sabiduria di antepasadonan di Aruba pa nan economia basico

Biento fuerte ta despedi y temporada di horcan ta trece yobida

ORANJESTAD  (AAN) — E fiesta di San Juan ta pone nos para keto na e forma cu antepasadonan a atende cu asuntonan importante di e comunidad. Den un tempo cu ciencia moderno ainda tabata aleha den futuro, ya e poblacion antiguo di Aruba tabata actua na un forma dirigi.

Na nan forma, e prome habitantenan di Aruba tabata consciente di e cambionan den tempo y nan accionnan y planificacion tabata tene cuenta cu realidad meteorologico actual.

Na Juni nan tabata prepara nan tereno pa planta loke mester a bira e cosecha nobo. San Juan tabata e momento pa nan deshaci di loke e cosecha bieu a haci cu e suela cu mester a wordo prepara atrobe pa simia por a duna maishi rabo, fruta y berdura.

E resultado di limpiesa di e cunucunan tabata wordo kima. Esaki no solamente tabata bon pa e parti di limpiesa pero tambe e shinishi tabata yuda haci e tera mas fertil.

Condicionnan di tempo tabata sumamente importante. Prome cu mundo a tende di servicio meteorologico, e Indjan tabata sa cu den e temporada di San Juan, na luna di Juni, e tempo cortico di awasero lo a cuminsa.

E Indjan tabata na haltura, cu e mester a cuminsa haci preparacion pa caida di biento, mas awasero cu nubianan tabata carga trece for di sistemanan tropical for di pariba.

Si mira nos cunucunan awe, por mira cu e Indjan tabata sa cu e temporada cu sistemanan di tempo tabata alcansa Aruba for di pabou, a pasa. E sistemanan di winter (invierno) a yega na nan fin.

E prome parti di aña tabata trece tambe biento fuerte conoci como biento di Cuaresma.

Ta cu yegada di e fiesta di San Juan, temporada di horcan ta yega. E temporada aki pa Aruba generalmente no ta trece horcan peligroso pa diferente motibo.

Aruba ta situa den loke den Caribe ta wordo yama e santana di horcan. E temperatura di awa dor di e coriente di lama, e forma cu continente ta pusha e sistemanan manda mas halto, ta factornan cu no ta sostene un horcan cu mayoria di bes ta muri ora e pasa Trinidad pa regenera ora e pasa Aruba.

Pues kico ta pasa na Juni? Biento ta cuminsa baha pa bira parti di e origen di sistemanan ciclon. Un ola tropical ta un cambio den e patronchi di biento, cu ta move di pariba bay pabou den e temporada.

For di Juni e biento fuerte ta baha pa subi den pasashi di sistemanan tropical basa riba nan bientonan.

Na Juni pues, e temporada di horcan tabata produci yobida pa Aruba cu tabata conoce e temporada cortico di yobida cu ta culmina na September y October cu yobidanan pisa cu strena y lamper ora acvidiadnan den e zona di convergencia intertropical riba Venezuela subi.

Mientras e solo lo cuminsa baha pa bolbe equator, e zona di convergencia intertropical lo cuminsa baha atrobe y bay drumi banda di e equator.

Pero pa Aruba fin di aña ta trece e temporada grandi di awasero diferente na esun produci pa sistemanan tropical.

Pues cu San Juan naturaleza ta invita hende pa prepara pa temporada di horcan, cu ta inicio di posibilidad di condicionnan di tempo peligroso pero tambe di yobida, cu lo haci posibel pa loke a sembra bira cosecha.

Esaki ta e motibo cu e fiesta di preparacion di suela pa cosecha a topa cu fiesta religioso di San Juan cu Catoliconan tabata celebra segun un kalender, diferente na esun Indjan cu tabata tene su mes na e realidad di naturaleza.

Pa e Indjan e agricultura tabata sumamente importante pasobra hunto cu pesca y cria di bestia e tabata e base di economia.

- Advertisement -

DUNA COMENTARIO

Please enter your comment!
Please enter your name here