ORANJESTAD (AAN): Durante e siman di 10 pa 14 di juni a tuma lugar e tayer “Silver Entrepreneurship Workshop” organiza pa Desaroyo pa Empresa Arubano (IDEA) caminda a ofrece diferente workshop pa personanan, en special pensionadonan, cu ta desea di uza nan carera y experticio den nan mesun negoshi.
SETAR a aporta na e tayer aki ofreciendo un workshop interactivo encuanto “Digital Marketing”. Durante e workshop a duna tipsnan di con pa promove bo negoshi online via Social Media, p.e. cu Facebook, Instagram y LinkedIn.
Tambe a splica e beneficio di uza sistemanan manera Google Ad Words of Search Engine Optimization (SEO). E workshop a worde sera cu un wega interactivo online pa repasa tur loke a worde splica y na final SETAR a parti un regalo pa tur participante.
SETAR kier a gradici IDEA pa e invitacion pa forma parti di e tayer y pa por a comparti algun tips & tricks.
