Home General Si Gobierno asimila 17.000 Venezolano e ora economia di Aruba lo keda...

Si Gobierno asimila 17.000 Venezolano e ora economia di Aruba lo keda destrui den 10 aña

639
0
SHARE
- Advertisement -

Organizacion local ta adverti

ORANJESTAD (AAN): Milton Ponson di e organizacion local di Rainbow Warriors International a comenta na DIARIO riba e desaroyo economico na Aruba cu ta keto bay basa riba un pilar economico, esta turismo.

Tin di corda con e ultimo dos aña diferente rapport a wordo produci, e.o. door di Banco Central di Aruba “Isla Inovativo”, y un rapport di Aruba Tourism Authority “Mira pa Futuro”, y esaki pa mehora y diversifica e economia basa riba turismo y introduci algun sector nobo na Aruba.

Den e rapportnan aki, seis pilar economico a wordo identifica pa Aruba.  No obstante tur e rapportnan aki, e realidad di cada dia ta otro.

Rainbow Warriors International como organizacion di desaroyo sostenible, nan ta hopi preocupa cu e situacion actual na Aruba, unda cu un cantidad grandi di Imigrante Venezolano ta kedando riba e isla, di cual gran parti ta trahando legal of ilegalmente.

E problema di e Imigrantenan Venezolano ta sinta na e hecho cu mayoria di nan no tin educacion di nivel profesional halto academico.  Si Aruba kier bay diversifica e economia, mañan lo no bay tin lugar mas pa 5.000 profesional drenta nos economia y pa pone nan.  Pasobra nan lugar lo a wordo tuma over caba pa esnan cu educacion mas basico cu aworaki ta medio asimila den economia.

Na opinion di Ponson, e ta kere cu Gobierno tin di gara e toro na su cacho y dicidi unavez kico ta bay haci cu e problema di imigrante.

Rainbow Warriors International tambe como organizacion di derecho humano, a confirma na DIARIO cu nan no ta comparti e intencion tras di e peticion di e coordinador di OEA, David Smolansky, kende a haci un suplica na Gobierno local, pa asimila tur e Venezolanonan na Aruba.

Djis corda cu e isla aki tin un ratio di debe externo contra su GDP di 90% y no ta pornada cu aña pasa Gobierno cu hopi esfuerzo a logra pone 34 miyon Florin disponible riba un social crisis plan.  E nomber caba ta mustra cu tin crisis na Aruba.  Si asimila 17 mil Venezolano extra, e ora Gobierno lo destrui nos economia den menos di 10 aña.

Comosifuera esaki no tabata suficiente, Rainbow Warriors International a nota con Gobierno ta persisti cu lo mester bay laga proyectonan hotelero sigui, cu lo bay aumenta e capacidad di camber na Aruba na casi 6.000 camber.

Pa e 6.000 camber aki lo bay tin mester di mas hende ainda pa traha.  Si Gobierno di un forma decisivo no atende tur 2 problema, e ora mañan e unico pilar economico di Aruba (“turismo”) lo decai, y e seis pilarnan identifica como prometedor, nunca lo wordo realiza.

Pasoba nos teritorio chikito lo no ta adaptable  pa pone 160.000 hende biba riba dje.

- Advertisement -

DUNA COMENTARIO

Please enter your comment!
Please enter your name here