Home Comercio Si mehora e funcionamento di economia, gobierno lo haya mas cen den...

Si mehora e funcionamento di economia, gobierno lo haya mas cen den caha y menos peso pa comunidad

196
2
SHARE
- Advertisement -

Economista Randall Croes:

ORANJESTAD (AAN):  Camara di Comercio a reacciona ariba e cantidad di medidanan cu gobierno a bin ta imponiendo den e ultimo lunanan. Nan ta di opinion cu esaki ta afectando costo di bida na Aruba.

Randall Croes, di KvK a expresa cu e entidad ta boga pa Gobierno baha mas cu e impuestonan cu nan ta poniendo ariba e comunidad pero nan ta propone dos opcion pa gobierno haya entrada.

Tin dos manera pa gobierno balanza su placa. Na prome lugar, baha gasto.  Croes a indica cu ta conoce hopi negoshi na Aruba cu ta birando mas chikito manera banco usando internet, computer. Tur hende ta probecha di e productividad mas hopi.

Un compania manera WEB ta produci tres biaha mas coriente cu 15 aña pasa y e mesun cantidad di trahador. Gobierno ta e unico cu no por logra esey, a remarca.

Tin varios hotel, a agrega, cu a cuminza cu 600 trahador pa 600 camber y awe tin 400 trahador. “Nan si ta uza internet, nan si ta uza aparatonan pa yabinan electronico pa spaar placa, pero e unico cu no ta haci’e ta Gobierno”.

Segun Croes, gobierno tin cu cuminza automatiza y despues yega na acuerdonan adecuado pa esnan cu casi ta bayendo cu pension pa duna nan un estimulo  y eynan por fia placa pa nan bay y baha gasto.

Como number dos, a bisa cu ta importante pa diversifica economia door di al menos aproba tur e permisonan cu ta pega den tur departamento. Laga hende lanta negoshi mas lihe. Pa habri un restaurant ta minimo dos aña. Pakico?, e economista a expresa.

Si e inversionistanan  local logra haci nan inversion y busca hende, nan lo produci belasting y nan ta yuda gobierno cobra mas placa, a bisa.

Si mehora e funcionamento di economia gobierno ta haya mas cen den caha y menos peso pa comunidad, e economista a remarca.

- Advertisement -

2 COMMENTS

  1. Pueblo di Aruba laga pone beslag riba bienes nan di e ex ministro nan cual a maneha I mal usa placa di pueblo

    Pa asina nan enriquese nan mes I nan famia dus tur cu ta trahando cu e sistema di padrino of madrina mester mustra cu nan trabao ta segun nan contract ta bisa
    Si no ta perde trabao I contract.

    Tur esnan cual no a ji jega di traha den gobierno Sin Un Dia A presenta Mester entrega placa cual ela risibi pa trabou cual e no a cumpli cu ne.

    Si esaki tuma lugar Aruba su schatkist ta Jena bek
    I e ta un ehempel pa ningun Gobierno malus placa di pueblo.

    Saludos di mi parti Tico Tromp

  2. Pakiko e handenan aki cu sa sina bon con pa goberna na subi lista politico y bai purba. De beste stuurlui etc etc. E mesun hendenan cu ta hasi mi cartera bashi cu nan hamber pa placa awor kier pretende di ta mi amigo? Dia cu e pueblo di Aruba realisa cu nan tin e poder di manipula e ladronnan netchi aki y no laganan manipula nos cos ta bai cambia. Pa 8 anja largo nan a existi den silencio y awor cu tin un gobierno cu atleast ta purbando algo nan ta critica links en rechts. Desde status aparte tur gobierno a bisa cu ana lo reduci e aparato gubernamental na ta awor. Y ami ta di acuerdo cu mester reduci gasto pero unda bo tabata entre 2009 y 2017? Sinta den scochi di ken?

DUNA COMENTARIO

Please enter your comment!
Please enter your name here