Home Enseñanza SIMAR ta haya inaceptable e cambionan abrupto cu SEPB kier introduci na...

SIMAR ta haya inaceptable e cambionan abrupto cu SEPB kier introduci na tur dos scol EPB

183
0
SHARE
- Advertisement -

ORANJESTAD (AAN): Diaranzon mainta Ministro di Enseñanza Rudy Lampe a acudi na EPB Oranjestad na Hato pa asina scucha e preocupacion cu ta reina cerca docentenan.

Ministro Lampe a mustra cu EPB Oranjestad ta cay bao Stichting SEPB, y nan tin nan directiva.

Sindicato SIMAR tambe tabata presente na e reunion aki entre Docentenan y Ministro.   Tin cambio cu SEPB kier haci na scol, como cu na Mei e directora actual a laga sa cu e lo no ta director mas pa e aña escolar venidero.

SEPB a bin cu un cambio, y a bin cu director nobo pa EPB Oranjestad y tambe uno pa EPB San Nicolas.  Esey ta un cambio caba cu e docentenan tin di bay costumbra cune.

Sinembargo apenas 3 siman despues a bin cu un cambio mas, esta ora cu a avisa e docentenan cu e managernan tambe lo bay wordo cambia di Unit.  Fuera di esey a informa cu nan lo bay ta haciendo cambio entre e docentenan existente tambe.

SIMAR a mustra cu esaki ta algo demasiado cambio den transcurso di 3 siman, y no a tene cuenta cu e docentenan.

Docentenan a subraya cu nan no ta contra cambio, pues e ta algo bon.  Sinembargo bo tin di percura pa bo haci e cambio aki den un proceso di tempo, y no den un lapso di apenas 3 siman.

Cu e reunion, Docentenan a mustra pa tene cuenta cu nan ora cu introduci cambio, como cu nan ta esnan cu ta bay carga e cambio.  Nan deseo grandi ta pa Directiva di SEPB mes acudi na EPB Oranjestad pa asina docentenan por haya chens di puntra nan e motibo pakico a introduci un cambio asina drastico.  Pero te ainda no por haya Directiva di SEPB pa bin scol.

Directiva a manda nan si un carta, y awor ta desea di haya un carta bek di e docentenan cu nan puntonan riba papel.  Pero docentenan ta insisti pa Directiva di SEPB mes yega scol pa topa cu nan cara-cara.  Duna nan e honor pa yega cerca e docentenan.

E docentenan a splica cu mescos cu e directiva a bin cu un cambio abrupto asina, e ora Directiva por acudi tambe cerca docentenan pa papia cu nan.  Pasobra ta e docentenan aki den siguiente aña escolar tin di bay traha cu Managers nobo y Director nobo.  E ora ta kende lo bay guia ken, si tur hende riba directie-niveau ta nobo.

Si acaso a anuncia esaki un aña adelanta, e ora tur hende tin chens pa 12 luna largo cuminza prepara pa e cambio cu ta bin.  Pero awor den 3 siman ta pidi un cambio grandi y drastico asina, ta inaceptable pa docentenan.

Docentenan a pidi Directiva di SEPB acudi Diaranzon pa un reunion, sinembargo nan a briya cu nan ausencia.  Awor ta pensa ki accion lo tuma riba Diahuebs, pasobra docentenan merece di wordo scucha.

 

 

- Advertisement -

DUNA COMENTARIO

Please enter your comment!
Please enter your name here