Home General Sindicato tambe ta bini dilanti den nubianan scur di Citgo

Sindicato tambe ta bini dilanti den nubianan scur di Citgo

193
0
SHARE
- Advertisement -

Aliento di e pueblo di Aruba a vibra den e desenlace di Citgo

*Investigacionnan di DIARIO ta sigui compaña Aruba den crisis

*Destino di e  pan sagrado di Aruba despues di promesa falso 

ORANJESTAD(AAN)–Kico ta bay pasa cu trahadonan? Kico por spera pa loke ta trata e pan sagrado di un pueblo cu a bira victima? Informacionnan concreto di DIARIO directamente for di fuentenan di noticia di instancianan oficial internacional, a yuda Aruba prepara su mes pa e berdad cu ta resalta awor.

DIARIO a ricibi informacion cu den tur seno e informacionnan di DIARIO ta habri caminda pa Aruba por informa su mes y sigui e trayecto pa bandona e incertidumbre riba un futuro cu nan no a spera.

Ayera di parti di sindicatonan Aruba a ricibi informacion cu Presidente di IOWUA Boy Anthony, a sostene un reunion cu e gerente general di Citgo.

Di e forma aki e sindicato, cu manera ta conoci, na 2016 tabata tin gran speransa den un futuro nobo, ta ricibi informacion cu e mester pasa pa su miembronan pa loke ta trata e futuro real di e proyecto refineria.

Den e reunion cu Joe Crawford  e pregunta logico a wordo lansa riba e situacion financiero y si tin placa pa trahadonan si nan mester acepta nan retiro.

Segun e gerente general di Citgo no ta retira trahado y na momento cu tin informacion riba e rumbo di Venezuela, cu ta e centro di tur insiguridad riba tur tereno, lo tuma decisionnan.

Asina mester dicidi con ta paga contratistanan cu mester paga trahadonan.

Sindicato a reuni tambe cu Refineria di Aruba y aki tambe a solicita informacion financiero manera e hecho si tin placa pa paga e añanan di servicio di  trahadonan y si nan ta pasa den servicio di e compania di gobierno cu tambe tabata parti di e plan total.
No tabata tin contesta riba e punto aki tampoco.

Mientrastanto gobierno a anuncia cu tin interes pa e terminal y transhipment.  Pero e refineria mes ainda ta den insiguridad.

E sindicato a hiba corespondencia cu Citgo, pero no por haci nada mas. Mester warda riba desaroyonan nobo den un situacion bastante confuso.

- Advertisement -

DUNA COMENTARIO

Please enter your comment!
Please enter your name here