Minister Chris Romero:
ORANJESTAD (AAN)—Den conferencia di prensa di gobierno, Minister Chris Romero, Titular di Transporte, Comunicacion y Sector Primario a duna di conoce cu e director nobo di Arubus, lo cuminza reuni cu e trahadornan.
E mandatario ta conciente cu pa e compania duna un bon servicio, e trahadornan mester ta contento. E director tin un tarea hopi grandi y parti di esaki ta combersa cu e trahadornan.
E ta den combersacion caba cu e sindicato pa loke ta concerni e CAO pa e trahadornan di Arubus, y den e siman cu ta bin, prome cu e busnan yega Aruba, e director lo papia cu e trahadornan pa mehora nan situacion.
Esaki ta un plan, pero tambe duna nan e hermentnan necesario pa por brinda un bon servicio, y den esaki brinda nan diferente curso di recapacitacion.
