Home Hudicial Sospechoso Ryson Paskel a expresa den KIA: “10 dilanti Hues ta mihor...

Sospechoso Ryson Paskel a expresa den KIA: “10 dilanti Hues ta mihor cu 10 bou tera”

18
0
SHARE
- Advertisement -

Fiscal ta señala durante tratamento di caso di mata Camilo

ORANJESTAD (AAN): Siman pasa Fiscal a exigi 12 aña di prison pa e homber Ryson Paskel (20), kende a hinca Camilo Carreño-Sosa (22) mata dia 2 September 2018 den parkinglot patras di Arawak Gardens.

   SOSPECHOSO A EXPRESA DEN KIA:

DIARIO a publica tratamento di e caso pero awe ta publica e parti cu a laga hopi den sala di Corte boca habri cu e expresion cu Ryson a haci den Prison KIA. Ta asina cu famia di e victima a mira riba medio social, con Ryson den KIA a haci expresion relaciona cu el a hinca mata Camilo Sosa. E mayornan di e victima a entrega Fiscal esaki.

Durante tratamento di e caso, Fiscal kier a confronta Ryson cu esaki pero abogado mr. Lejuez a bisa cu esey no tin nada di haci cu e tratamento di e caso e momento ey. Hues a bay di acuerdo cu e observacion di mr. Lejuez y Fiscal a bisa cu mas despues e lo trece esaki dilanti.

Segun cu tratamento di e caso a bay Fiscal tabata haci preguntanan na e sospechoso Ryson tocante con e hincamento a tuma lugar. Na dado momento el a confronta Ryson cu e loke Ryson a expresa den KIA. Ryson a expresa via medio social: “10 dilanti Hues ta mihor cu 10 bou tera”.

    SOSPECHOSO NO KIER PAPIA:

Ora Fiscal a puntra Ryson pakico el a haci e expresion aki, Ryson a bisa Hues cu e ta haci uso di su derecho di silencio. Esaki a laga un mal impresion pa tanto Fiscal como Hues.

Fiscal den su requisitorio a bisa Hues cu e ta tuma na malo cu Ryson den KIA ta saca riba social media: “10 dilanti Hues ta mihor cu 10 bou tera”. Fiscal a bisa cu e ta tene cuenta cu circumstancia di Ryson caminda psycologo ta mustra cu Ryson a pasa den hopi trauma y cu e mester di tratamento. Tambe Fiscal a tene cuenta cu Ryson ta hoben y ta promer biaha cu e ta cay sera.

Fiscal a expresa na Ryson: “If you don’t want to do the time, don’t do the crime”. El a remarca cu Ryson te na e momento ey no a pidi e famia dispensa pa loke el a haci.

Ta asina cu despues cu Fiscal a exigi 12 aña di prison y cu Ryson a haya e chens di ultimo palabra, e momento ey el a pidi dispensa na e famia.

Hues a bisa cu dia 5 di Juli 2019 lo tin sentencia y DIARIO lo informa lectornan di e decision di Hues.

- Advertisement -

DUNA COMENTARIO

Please enter your comment!
Please enter your name here