Home Policial Speedboat tipo yola a baha 10 ilegal na Colony

Speedboat tipo yola a baha 10 ilegal na Colony

583
0
SHARE
- Advertisement -

ORANJESTAD (AAN): Tabata Diadomingo dia 2 di juni den oranan di anochi, cu Wardacosta a detecta un contacto riba radar.  Tabata 10:00 pm, cu nan a mira cu tin algo ta nabegando direccion pariba di Aruba.

Mesora autoridadnan a mobiliza pa asina bay check kico ta pasando.  A alerta Polis y Aduana tambe pa check costa zuidoost di Aruba.

Despues di un investigacion a resulta cu ta un speedboat tipo yola cu hendenan ilegal abordo.  Ora cu e boto a yega tera na den Colony na San Nicolas, nan a bula abao y plama rond.

Sinembargo debi na e bon colaboracion entre Wardacosta, Cuerpo Policial di Aruba, y Aduana a logra detene 10 hende homber di nacionalidad Venezolano na Santana di Cacho.

E capitan pa colmo, a cuminza mobiliza cu e speedboat yola direccion di Venezuela.

Sinembargo aki un unidad di Wardacosta riba e botonan nobo di Metal Shark, a cuminza bay den nan direccion.  Abordo tabatin funcionarionan di Wardacosta como tambe militarnan Arubano.  Nan a sigui e yola, y danki na e velocidad fenomenal di e Metal Shark, nan a yega na dje mesora.

Nan a stop e yola, y a detene e capitan.  Nan a hiba e capitan, y lastra e boto na e pier di Wardacosta na Savaneta.  E capitan awor ta confronta acusacionnan di traficacion humano.

E 10 hendenan ilegal y sin documento a wordo entrega na Warda nos Costa.

Ora cu dia a habri, autoridad a bay busca na e costa y na e matanan cu tin den Colony, y a bin descubri algun proyectil skerpi (di municion) den un bleki.  Posibilidad ta grandi cu ta e ilegalnan aki a subi tera cu e municion aki den e bleki, y a sconde nan ora cu a sinti cu autoridad ta yegando riba nan.  Awor lo bay trata di check cu vingerprint, pa mira ta cual di e 10 ilegalnan aki tabata cana cu e bleki di municion aki.

Pa colmo, algun media a raporta trempan cu ta Granada di Man a ser haya.  Sinembargo Vocero Policial Lito Lacle a confirma, cu esey no ta e caso.  Ta e bleki cu ‘scherpe patronen’ a wordo haya.

- Advertisement -

DUNA COMENTARIO

Please enter your comment!
Please enter your name here