Home Tempo Stof di Sahara ta algo normal den e lunanan seco

Stof di Sahara ta algo normal den e lunanan seco

30
0
SHARE
- Advertisement -

Den e dianan aki e concentracion lo bira visibel atrobe

ORANJESTAD (AAN): Dave Barkmeyer, director interino di Meteo a elabora ariba e stof di Sahara cu ta afectando nos region den e dianan aki.

El a bisa cu esaki ta algo normal den e epocanan aki di aña, principalmente den e lunanan seco, manera Maart, April, parti di Mei y Juni.

Siman pasa e tabata un tiki pisa y el a baha e visibilidad bao di 10 kilometer. Tur aña Meteo ta saca un comunicado di prensa pa asina informa comunidad ariba e stof aki, a bisa.

El a agrega cu den e dianan cu a pasa no tabata tin mucho stof pero den e di dos mitad di e siman aki, e concentracion ta bira un tiki mas grandi atrobe. Kiermen lo por mira cielo un poco tapa, manera nubla y e stof ta pone cu ta haya un sombra di e concentracion halto di e stof.

Segun Barkmeyer, mundo di aviacion no ta wordo stroba door di e stof aki, pero pa hende por tin consecuencianan pa e personanan cu ta sufri asthma, problema cu sinus, entre otro.

“Tambe mi a compronde di un amigo docter cu nan sa tin problema cu cierto infectienan, di cuero, alergianan”, a indica.

E director di Meteo a expresa cu e stof di Sahara tambe por presenta den pleno temporada activo di horcan. Pero tambe e stof aki lo por yuda pa alivia un sistema ciclonal.

Meteo ta keda informa comunidad ora cu e concentracion ta bira halto y pa tene cuenta cu e stof di Sahara cual ta reduci visibilidad.

- Advertisement -

DUNA COMENTARIO

Please enter your comment!
Please enter your name here