Home Labor Ta bay tin mester di hopi hende pa traha den tereno di...

Ta bay tin mester di hopi hende pa traha den tereno di construccion

43
0
SHARE
- Advertisement -

Tin proyectonan na caminda y pa esaki mester registra na DPL

ORANJESTAD (AAN):  Den entrevista cu DIARIO, Director di Departamento di Labor (DPL), Ronny Irausquin a anuncia recientemente cu tin un maneho nobo pa loke ta permisonan di trabao di menos di 6 luna, cual no tin cu pasa DPL mas.

Banda di esey el a bisa cu tambe e registro di personanan cu ta traha den e tereno di construccion ta scars.

Irausquin a laga sa tambe cu DPL ta bay tin varios cambio na caminda pa loke ta ‘job center’. Hopi hende ta bay eynan pa busca un trabao di biaha. Aworaki tin un parti cu ta haci e mercadeo pa esaki. Kiermen Job Center mes ta sali pafo pa busca e vacatura y bay DPL bek.

Si ta un vacatura pa 15 of mas hende DPL ta hacie pa medio di un ‘job-fair’, a indica, pa mas hende por registra pa e vacatura ey y te hasta pa un otro tipo di funcion.

Pronto ta bay tin un otro ‘Job Fair’ pa un hotel cu a pidi DPL pa haci’e pa nan. DPL ta bezig cu esey, a señala.

E directo di DPL a laga sa cu nan ta haya hopi vacatura. Pero ora di haya e vacaturanan no tin e hendenan registra. Pesey nan ta pidi keda pa e hendenan cu ta busca un trabao registra na DPL.

“Por ta e hendenan a perde confianza den nos door di pasado, pero eigenlijk nos mester pensa pa dilanti aworaki. Nos tin otro pensamentonan, nos kier ta mas cerca di e doñonan di trabao. Nos kier ta mas cerca di e trahador cu ta busca un trabao. Nos kier yud’e haya un trabao y si bo no haya un trabao, na e prome instante, nos ta sigui busca trabao pa bo”, Ronny Irausquin a remarca.

E parti di construccion ta un tereno cu ta bay tin mester hopi hende mes. Fuera di aeropuerto y fuera di e hotelnan cu ta renoba ta haya proyectonan. FCCA tin proyectonan pa traha casnan nobo.

Tur esaki ta cay bao di DPL pasobra e trahadornan mester pasa DPL. E dunadornan di trabao mester bay DPL. Si tin e hendenan registra facilmente lo por yena e vacaturanan cu ta wordo poni disponbel, finalmente Ronny Irausquin a bisa.

 

- Advertisement -

DUNA COMENTARIO

Please enter your comment!
Please enter your name here