Home Salud Ta importante pa tuma medidanan prome cu bay cu vakantie

Ta importante pa tuma medidanan prome cu bay cu vakantie

10
0
SHARE
- Advertisement -

Dr. Wilmer Salazar

ORANJESTAD (AAN):  Dr. Wilmer Salazar, ta medico consehero na Departamento di Salud Publico a señala den conferencia di prensa dialuna mainta cu ora un persona ta pensando bishita un pais, sea den e region aki of den otro region, mester tuma cierto medidanan.

El a enfatiza cu un bez cu e persona a dicidi di bay, mester tene na cuenta e sitionan cu ta bay bishita y ki sorto di turismo e ta bay realiza den e region ey.

Dr. Salazar a indica cu tin diferente malesa, diferente forma di transmision y potencial di gravedad. Asina ta cu si un persona of un grupo ta bishita cierto regionnan mester lesa bon kico nan tin, si mester di vacuna y acudi na e Departamento di Malesanan Contagioso cu por bisa cual vacuna por ta preferibel ademas di e ‘yellow fever’ of ‘gele koorts’ cu ta activo.

El a reitera cu mester tin medidanan basico manera higiene di laba man, laba e fruta y e berduranan.

A subraya cu ta importante pa den caso di malesa acudi cerca un docter. Recomendabel pa tin un seguro di viahe y disfruta di e vakantie den un forma sano y sin complicacion.

- Advertisement -

DUNA COMENTARIO

Please enter your comment!
Please enter your name here