Home Deporte Tanda 3 di campeonato domino a caba di termina y a trece...

Tanda 3 di campeonato domino a caba di termina y a trece hopi sorpresa

36
0
SHARE
- Advertisement -

ORANJESTAD (AAN)- Weekend ultimo a tuma lugar e di 3 tanda di campeonato di domino.  Diabierna ultimo Ottley’s Strikers DT a sorpresa Old Parr DT cu e score di 13 – 12.

E gigante nan di Ottley a pone ordo cu nan wega disiplina y for di comienso a tuma e ventaha pa no perde e ventaha ey nunca mas. Un ta prome biaha den e historia recien cu Ottley’s Strikers DT ta knock out Old Parr DT.

Den e otro wega Trappers DT a cai venci contra e campeon nan di tur tempo, Noord Stars “PIZZA HUT” DT, cu e score di 14 – 11. Trappers DT, lidera pa Michael Kock, a ranca sali cu yen buya, pero palo a cai.

Ta e capitan Magda Kock mes mester a subi tereno pa salba cara di Trappers DT. Magda Kock a duna e mucha nan di Noord Stars “PIZZA HUT” DT un hard time ganando 4 wega e anochi ey.

Diadomingo Juni 9, 2019 X-treme DT a masacra Gold Stone DT 17 – 8. Gold Stone DT, sin Anselmo Pontilius, no tabata ni sombra di e team cu a para Eagles DT siman pasa.

E di dos wega Diadomingo tabata entre Sport Boys DT y Eagles DT. Despues di tabata gana confortabel 12 – 8, Eagles a bin perde e wega 13 – 12, Sport Boys DT, mescos cu Benny Nisbet, a bin di atras pa laga Eagles DT den tereno.

Eagles DT, sin nan trabuco di tur trempo Dayo Maduro, no por impreciona ainda. Ban wak si nan lo por cambia e rumbo den nan proximo wega nan.

E siguiente wega di campeonato lo ta na Club Sport Boys Diabierna Juni 21, 2019 cu e confrontacion Trappers DT vs Eagles DT y e clash entre e rival nan di tur tempo Noord Stars “PIZZA HUT” DT vs Old Parr DT.

Diadomingo Juni 23, 2019 tambe na Club Sport Boys lo tin e interesante wega nan X-treme DT vs Sport Boys DT y Ottley’s Strikers DT vs Gold Stone DT. Ta spera cu tur fanaticada di domino bay apoya nan equipo.

 

- Advertisement -

DUNA COMENTARIO

Please enter your comment!
Please enter your name here