Home Tempo Tempo asocia cu un Ola Tropical lo por trece awacero

Tempo asocia cu un Ola Tropical lo por trece awacero

140
0
SHARE
- Advertisement -

ORANJESTAD (AAN): Lo tin hopi biento awe riba Aruba, y pesey un suplica ta bay pa no cende candela relaciona cu Dia di San Juan y Dera Gai.

Sinembargo, tin un Ola Tropical cu Diadomingo merdia tabata na parti mas pariba di Caribe, y e ta moviendo west cu velocidad di como 20 km/h.

Esey kiermeen cu toch humedad na nivelnan abao di atmosfera lo aumenta gradualmente. Esaki lo mehora e posibilidad pa un of mas awacero durante proximo dianan.

Venezuela tambe a emiti un sistema di Alerta pa e Ola Tropical #11 aki cu ta den area di 61º West.  E tabata Diadomingo den area di Trinidad & Tobago bayendo pabao.  E ta moviendo west cu velocidad di 20 km/h.

E Ola Tropical aki por trece biento fuerte y yobida na parti mas panort di Venezuela, y lo ta pasando Diamars na parti west di e pais.

Tin un Ola Tropical #12 cu a forma riba centro di Oceano Atlantico den area di 36º West.  Esaki ta moviendo direccion pabao tambe cu 20 km/h.

Stof fini suspendi den aire lo stroba visibilidad e siguiente dianan, pero lo bira menos den curso di siman.

- Advertisement -

DUNA COMENTARIO

Please enter your comment!
Please enter your name here