Home Turismo Temporada halto di e aña aki a cuminza hopi bon pa Aruba  

Temporada halto di e aña aki a cuminza hopi bon pa Aruba  

27
0
SHARE
- Advertisement -

Ronella Tjin Asjoe-Croes, CEO di ATA

ORANJESTAD (AAN): Ronella Tjin Asjoe-Croes, CEO di Aruba Tourism Authority a duna di conoce cu tin cifranan di januari y conforme ahustacion cu Aruba a haci na e sistema di RADEX, y cu ATA ta usuario di e sistema aki di Inmigracion, mester bisa cu tin retraso den e cifranan, pero e kere cu den tres luna ta anticipa di por ta cla cu esey.

Sinembargo, tin e resultadonan di januari y tin e resultadonan di aeropuerto tambe y tin diferente componente cu ta wordo uza pa tin bista di kico tin te cu aworaki, pero tambe kico por espera, a bisa.

Temporada halto di e aña aki a cuminza hopi bon pa Aruba. Tin e baha di turismo for di Venezuela, pero si mira 2018, por ehempel, Venezuela a cay cu 50% atrobe. A agrega cu despues di 2017 cu a pasa den e mesun tendencia y ta mira con e mercado mericano a reacciona fuertemente haciendo turismo stabil y creciente ora di mira e entrada cu turismo ta genera.

E mercado di Latinoamerica, excluyendo Venezuela, a duna resultado ya cu ta mira un crecimento di e region. Pa loke ta trata Europa, tin mercadonan cu dificultad, pero e mercado primario di Europa cu ta Hulanda a crece 8% aña pasa, Croes a remarca.

Lo sigui cana e trayecto di compensa mas tanto cu ta posibel, pero no ta papia mucho di esey pasobra importante ta cu a logra di compensa y hasta crece significantemente entrada cu ta genera pa medio di turismo y esey semper tabata e meta principal, e CEO di ATA  a indica.

Cu Venezuela den dificultad of no, semper e strategia di Aruba su turismo ta dirigi ariba trece mas entrada y pa e entrada aki ta dividi den diferente sector y esey ta cosnan cu lo sigui pone atencion ariba dje, Tjin-Asjoe-Croes a bisa.

- Advertisement -

DUNA COMENTARIO

Please enter your comment!
Please enter your name here