Home Gobierno Terenonan oficialmente a wordo traspasa pa Three Rivers Real Estate

Terenonan oficialmente a wordo traspasa pa Three Rivers Real Estate

806
0
SHARE
- Advertisement -

Desaroyadornan di Hotel “Secrets’ na Seroe Colorado casi cla pa start proyecto

ORANJESTAD (AAN):  Diahuebs mainta, Minister Otmar Oduber a organiza un ‘Meet & Greet” cu presencia di e representantenan di Three Rivers Real Estate na San Nicolas Store y cu ta esnan cu lo desaroya e hotel ‘Secrets’ na Seroe Colorado.

E mandatario a duna di conoce cu e ultimo lunanan aki gobierno a compromete cu e grupo pa combersa ariba diferente punto importante pa un proyecto di e magnitud aki pa San Nicolas.

Diescuatro luna di combersacion a tuma lugar p asina por a hiba un proceso transparente y habri. Asina e haya e vergunning di Banco Central despues di a pasa un screening stricto, Oduber a remarca.

Siman pasa a logra haya e permisonan necesario y a percura pa haya e cartanan financiero di un banco local manera ta exigi. Diaranzon a pasa e acta na notario caminda cu e terenonan oficialmente a wordo traspasa pa Three Rivers Real Estate, Minister Oduber a duna di conoce.

El a agrega cu a mustra den e ultimo 18 lunanan cu ta tuma e balanza cu a crea na serio y a cuminza anunciando un moratorio pa medio di ley ye dia di awe gobierno no a duna ningun permiso pa hotel/condominio, expansion den e area pabao di Palm Beach.

Pa motibo di e capacidad di carga kier mantene esey di e forma ey y no a otorga ni un adicional den e area ey. Tambe a bisa den e acto aki conforme e ley di ROP cu pa areanan di waf lo permiti hotelnan di maximo 100 camber y den centro di ciudad tanto na Playa como San Nicolas lo permiti pa tin hotelnan boutique di maximo 40 camber.

Y cu e area designa na san Nicolas, Seroe Colorado, pa ta un area di industria pa por wordo desaroya pa loke ta trata e aspecto di turismo ta esun cu lo por haya un hotel of mas hotel pa por wordo desaroya, e mandatario a enfatiza.

- Advertisement -

DUNA COMENTARIO

Please enter your comment!
Please enter your name here