Home Enseñanza Tin maestronan cu ta haci ‘bullying’ cu nan studiantenan

Tin maestronan cu ta haci ‘bullying’ cu nan studiantenan

336
0
SHARE
- Advertisement -

Reaccion:

ORANJESTAD (AAN):  Awendia tin un tendencia di tene marcha pa protesta contra tur situacion di abuso of inhusticia. Relaciona cu un di e situacionnan aki, DIARIO a haya algun reaccion unda ta indica cu aunke tin maestronan cu ta contra ‘bullying’, tin otronan cu ta haci ‘bullying’ contra nan mesun studiantenan.

Parce cu tin docentenan cu ta gusta yama algun mucha pa ‘gordo”, “bo ta gordo, bo no por come esey”, ‘wak bo mes den spiel”, etc.

Esaki a bin na remarca door di muchanan mes cu ta sinti afecta ora cu un maestro ta dirigi na nan di e manera aki.

Por sosode cu un maestro no gusta e manera di un mucha, pero esey no ta duna permiso na e maestro aki pa haci expresionnan den e direccion aki contra di ningun alumno.

Hopi mucha a yega di cay den depresion door di expresionnan cu ta pone nan bay den depresion.

E muchanan mes ta luchando contra nan mesun complehonan y awor ta resulta cu un maestro, cu por ta a yega di participa den algun manifestacion contra abuso di mucha of contra ‘bullying’ ta esun cu ta bay scol pa califica e muchanan segun su forma di sinti of pensa.

Segun reaccion di un mayor, e docente aki no sa con hopi su expresion a afecta e mucha y sigur esaki ta algo cu mas cabezante mester tene cuenta cune y cuminza papia ariba esaki cu su staff di maestro pa e cosnan aki no sosode ariba tereno di scol.
Lo ta na su lugar pa e cabezantenan tambe investiga si tin acoso escolar tumando lugar na nan scol. Tin casonan cu ta sosode y e mucha pa miedo no ta papia di esaki cu nan tata of mama. E caso no mester ta uno unda precisamente tin agresion fisico, pero si agresion verbal manera ta e caso menciona.

Tambe lo ta bon pa e mayornan puntra nan yiu con e trato di e maestro ta cu nan of cu su compañeronan di klas. Puntra, averigua for di ki tempo esey ta sosodiendo. Un caminda mester cuminza pa asina evita e situacionnan aki unda esun mas perhudica lo ta e mucha.

Na Merca y otro paisnan tin precedentenan di casonan di bullying ‘maestro-alumno’ y Aruba no ta e excepcion. Algo sigur pa investiga.

- Advertisement -

DUNA COMENTARIO

Please enter your comment!
Please enter your name here