Home Policial Trabao conhunto entre KPA y Douane ta bayendo hopi bon pa loke...

Trabao conhunto entre KPA y Douane ta bayendo hopi bon pa loke ta seguridad na frontera

129
0
SHARE
- Advertisement -

Hoo: Helicopter su enfoke ta ariba seguridad na costa

ORANJESTAD (AAN):  Alto Comisario Andrew Hoo a duna di conoce cu no ta Aruba so ta sufriendo di e efectonan di e crisis politico y humanitario na Venezuela.

El a indica cu tur e islanan den Caribe y e paisnan cu ta hopi cerca di Venezuela tin e mesun problema. Un di e islanan mas grandi ta Trinidad & Tobago unda tambe ta ‘struggle’ cu e situacion aki.

Tambe tin Corsow, Aruba. Bonaire no mucho, a remarca. Na Sint Maarten tambe nan ta sintiendo e efectonan di e migracion di venezolanonan, a laga sa.

Segun Hoo, tin afspraaknan ta wordo haci ariba nivel di ministernan y e afspraaknan ey ta wordo informa na Cuerpo di Polis.

Pa loke ta e seguridad di Cuerpo Policial e por papia ariba dje y ta cu polis por ta ariba pia anochi, den dia. A agrega cu por ta pueblo no ta wak polis hopi pero tin hopi cos cu ta sosode patras di cortina cu nan ta atacando e problema aki den tur manera.

Alto Comisario a sigui bisa cu tin Kust Surveillance cu ta trahando conhuntamente cu Douane y e ta opina cu e trabao ta bay sublime. “E samenwerking ta hopi bon”, a enfatiza.

HELICOPTER

Hoo a ripara tambe cu tin algun critica pa loke ta helicopter. “Nunca ta bon. Bo ta bula den dia. Bo mester bula anochi. Bo ta bula anochi. No, bo ta stroba hende di drumi”, a indica.

A laga sa cu aworaki nan ta pone enfasis ariba e ‘grens veiligheid’. Helicopter ta trahando aworaki mas ariba e ‘grens veiligheid’ y esey ta su tarea principal, pa traha na costa.

E helicopter ta keda bula pero e no ta keda focus ariba un cas of un bario. Loke si e por keda basta hopi ta na e costanan unda e tin su tarea pa vigila, a indica.

Ta bay mira movecion den e dianan aki y mayoria ta sosode anochi, na e costanan, Andrew Hoo a reitera. Si mester asistencia militar, e lo wordo pidi pero bao mando di Cuerpo Policial, a agrega.

 

- Advertisement -

DUNA COMENTARIO

Please enter your comment!
Please enter your name here