Home Policial Tres sospechoso deteni relaciona cu un investigacion di porno infantil online

Tres sospechoso deteni relaciona cu un investigacion di porno infantil online

907
0
SHARE
— Autoridad por haya sa facilmente si bo a download material ilegal of inmoral.
- Advertisement -

ORANJESTAD (AAN): Esnan cu ta haci uso di computer pa download potret of video prohibi, corda cu bo por ta ocupa ta busca e material aki for di un website cu ta bao investigacion.

Den pasado caba tin algun hende na Aruba cu a haya problema, ora cu nan a download musica copyright sin cu nan a paga pe.  DIARIO a yega di raporta extensamente riba esey.

Pero awor e caso a bira aun mas serio!  Esta cu tin hende cu ta usa nan computer of smartphone pa download material inmoral.

For di cooperacion internacional entre cuerponan di investigacion criminal na diferente pais a resulta cu tin varios usuario di IP-adres na Aruba (aansluitingnan di Internet) cu ta envolvi den download y plama porno infantil.

Jeugd- en Zeden Politie (JZP) y Recherche Samenwerkings Team (RST) a haci investigacion den e lunanan cu a pasa na e adresnan di IP Arubiano aki.

E investigacion a hiba te awor na detencion di tres sospechoso, cu pendiente e curso di e investigacion lo keda deteni preventivamente. E investigacion ta den full swing y no por exclui cu mas detencion lo cay.

Esaki ta e prome biaha cu ta tuma lugar na Aruba un investigacion planifica di porno infantil.

Abuso sexual di menornan di edad mester worde bringa y tambe exploitacion digital di e tipo di abuso aki. Posesion intencional di porno infantil y plama porno infantil ta castigable segun articulo 2:196 di Codigo Penal di Aruba.

Departamento di Jeugd- en Zeden Politie di Cuerpo Policial di Aruba tin e conocimento y e software necesario pa bringa e tipo di criminalidad aki.

Si Bo persona tin informacion tocante porno infantil, yama tiplijn di Cuerpo Policial di Aruba na 111-41.

- Advertisement -

DUNA COMENTARIO

Please enter your comment!
Please enter your name here