Home Policial Un persona mas deteni den caso di asesinato na Flamboyanstraat

Un persona mas deteni den caso di asesinato na Flamboyanstraat

893
0
SHARE
- Advertisement -

ORANJESTAD (AAN): Autoridad a confirma na prensa, cu riba Diasabra oficialnan hudicial di Recherche a haci un detencion mas den e caso di asesinato di Diabierna na Flamboyanstraat.

E caso aki ta uno caminda un homber Dominicano a sali na defensa di su yiu cu tabata wordo abusa door di un Jamaiquino.  El a bay reclama e persona aki, y ora cu e discusion a sali for di man, el a finaliza den kapmento cu machete.  E Jamaiquino consecuentemente fayece debi na heridanan ricibi.

Ora cu a cuminza interoga e homber Dominicano, e ora Recherchenan a bin haya sa e storia di e abuso cu tabata wordo haci cu e mucha menor di edad.  Y a bin haya sa cu posiblemente e tata di e Jamaiquino tambe ta uno cu a abusa di e mucha.

Pues e caso di asesinato aki a converti su mes tambe den un caso di inmoralidad.

Diasabra mes, Recherche a detene e homber di inicial M.C.S. di 47 aña di edad.  E ta e tata di e Jamaiquino cu a fayece debi na e confrontacion.

Recherche hunto cu Jeugd- en Zeden Politie ta investigando e caso aki, segun vocero a laga sa.

 

- Advertisement -

DUNA COMENTARIO

Please enter your comment!
Please enter your name here