Home Hudicial A baha castigo exigi di 14 aña pa 4 aña di prison...

A baha castigo exigi di 14 aña pa 4 aña di prison den caso tira Ski mata

459
0
SHARE
- Advertisement -

Huez no ta haya cu e chofer ta complice

ORANJESTAD (AAN): E hoben R.N. (19) a scucha Hues bisa cu e no ta hay’e culpable di complice asesinato di Ski riba 18 Augustus 2018 y intento di asesinato di un cuater persona. Hues ta haya cu R.N. como chofer di e auto a yuda y pesey ta castigabel.

Di 14 aña di prison cu Fiscal a exigi, Hues a baha te 4 aña di prison di cual 1 aña ta condicional. Recien Corte di Husticia di Aruba a dicta sentencia. Den sala di Corte tabata presente e yiu homber di Ski y mayornan di e acusado Ronaldo.

EXIGENCIA DI FISCAL:

Algun siman pasa tratamento di e caso a tuma lugar caminda Fiscal a bisa cu 18 Augustus 2018 a tira den Ranchostraat y a herida Ski. El a core bay riba su bicicleta pasobra e no tabata kier a worde hiba hospital den ambulance. Dia 20 Augustus 2018, Ski a muri ariba acera banda di Éét Cafe The Paddock.

Na opinion di Fiscal, tin problema entre gang di Rancho y Sero Patrishi. E amigo di e muher K., B., tin amistad cu gang di Sero Patrishi y door di Pompelonchi di gang di Rancho a tira riba auto den cual tabata K., a dicidi di bay tira riba e gang di Rancho caminda Pompelonchi tabata para.

Tur den auto, hasta R.N. a bisa e muher Q. pa tira. Tur tabata sa cu tabatin un arma di candela den e auto y cu e arma tabatin 3 bala. Fiscal ta haya cu ta hunto nan a traha e plan y hunto a bay Rancho pa tira. Pesey Fiscal ta haya cu R.N. ta complice di e morto di Ski y a purba mata e otro 3 personanan para.

Tambe Fiscal ta haya R.N. culpable di posecion di arma di candela. Fiscal no ta haya R.N. culpable di asesinato pasobra no tabatin e intencion pa mata. Fiscal a bisa Hues cu Ministerio Publico no kier pa tin tiramento riba caminda publico. Esaki por afecta nos turismo. El a bisa cu e muher Q. a haya 10 aña pero no ta di acuerdo y a apela e sentencia. Fiscal a bisa Hues cu si tur tabata mayor di edad a exigi e mesun castigo. Fiscal a exigi 14 aña di prison pa R.N.

  SENTENCIA:

Hues a bisa cu e ta haya cu mescos cu Fiscal y abogado, no por papia di premedita o sea no por bisa cu tabatin asesinato.

   NO TA COMPLICE:

Hues a sigui bisa cu contario cu Fiscal, cu ta haya cu R.N. ta complice di mata, Hues no ta haya cu R.N. ta complice. Hues a mustra cu R.N. no tabata esun cu a tira y no ta haya cu su contribucion tabata suficiente pa bisa cu e ta complice.

Hues a mustra cu R.N. tabata e chofer di e auto y a core bay Ranchostraat. Ariba peticion di e muher Q., el a bolbe pasa un biaha mas. Q. a haya e arma for di B. El a puntra si mester tira. E chofer R.N. hunto cu e otronan a bisa si. E ora ey Q. a tira.

Hues a bisa cu Q. a bisa Polis cu el a puntra dos biaha pa haya aprobacion di B. cu ta doño di e arma. Q. a bisa cu el a scucha R.N. bisa si, pero e no a pone tino na esey sino tabata pendiente kico B. cu ta doño di e arma ta bisa.

Na opinion di Hues, esey ta nifica cu e, si, di R.N. no tabata significante pa Q. a tira. Q. tabata kier haya permiso di B. Despues cu B. a duna permiso, Q. a tira.

   A YUDA MATA SKI:

Hues a bisa cu no por bisa cu R.N. a stimula Q. pa tira. E hecho cu R.N. a core bay cu velocidad, no ta suficiente pa bisa cu e ta complice. Hues ta haya cu R.N. a yuda den mata y intento di mata.

Door di R.N. su ayudo, a kita bida di Ski. Hues a bisa cu R.N. tin suerte cu e otronan no a resulta herida. E hecho cu a tira riba nan, lo por keda afecta.

   CASTIGO:

Hues pa cu e castigo a bisa cu e lamentable incidente aki a sosode riba caminda publico. El a bisa cu abogado mr. Illes a pidi pa aplica ley hubenil pa R.N. pero Huez ta rechaza esaki teniendo cuenta cu e raportnan di entre otro di Reclasering.

Hues a bisa cu e ta tene cuenta cu R.N. ta hoben y ta promer biaha cu e ta cay sera.

Hues a condena R.N. na 4 aña di prison di cual 1 aña ta condicional cu 2 aña di prueba.

   FISCAL TA BAY APELA?

E hecho cu den Corte Fiscal a bisa Hues cu e no ta di acuerdo cu e sentencia contra e muher Q., pasobra a baha e castigo mucho y ta apela esaki, e pregunta ta cu mirando cu Hues a reduci e castigo exigi di 14 aña te na 4 aña, si Fiscal ta apela e sentencia aki tambe. Tempo lo mustra si e caso penal contra R.N. tambe lo bay Corte Superior of  no.

- Advertisement -

DUNA COMENTARIO

Please enter your comment!
Please enter your name here