Home General A traves di e Up Cycle Center kier yega na e punto...

A traves di e Up Cycle Center kier yega na e punto unda ta crea menos desperdicio

63
0
SHARE
- Advertisement -

Director di Serlimar papiando di economia circular:

ORANJESTAD (AAN):  For di cuminzamento di aña Serlimar ta bin ta anunciando cu e aña aki lo cobra pa piki sushi. Tambe a anuncia cu esaki ta un tarifa social y cu na Juli e facturnan lo cuminza wordo reparti na e clientenan residencial.

Director di Serlimar, Henley Davelaar a indica cu a duna tur detaye y a ripara cu ya caba e movecion a subi y ta mira un actividad hopi grandi na tur nan filialnan y tambe den e MFAnan.

Hendenan ta yegando, ta registra y ta pagando. Serlimar tin e compromiso cu pueblo pa haci tur loke a wordo priminti.

Ya caba Serlimar a habri nan Up-Cycle center cu ta algo hopi importante pa yega na un e economia circular na Aruba. Banda di esaki a introduci e trucknan nobo cu ta garantiza e calidad halto di servicio.

A agrega cu dentro di poco nan incinerator ta bay ta funcional unda cu desperdicionan medico y tambe cadavernan lo wordo kima na un manera responsabel.

E siman aki nan containernan residencial nobo ta yega y ta bay cuminza entrega esakinan bario pa bario, pa e clientenan cu tin nan containernan den un estado menos bon, a señala.

Na otro banda a splica cu pueblo tambe tin e responsabilidad pa “yuda nos carga cu esaki, pasobra hunto so nos por yega na dje”.

Pa loke ta e cobranza, a indica cu e clientenan mester paga di Maart pa December. Kiermen, e factura ta sali na Juli, pero pa evita cu ta sali hunto cu tur e otro cobranzanan manera erfpacht, grondbelasting, etc, a dicidi cu pa eficiencia ta sak’e na juli, pero e periodo di e aña aki ta core di Maart te na December, locual ta un suma total di 250 florin (25 pa luna).

Esnan cu ta paga full e suma ta haya un descuento di 25 florin. E pensionadonan tin nan tarifa special y tambe tin e otro incentivo unda entre juli te cu fin di Augustus, tur siman, lo saca un ganador di 250 florin, a laga sa.

E director di Serlimar a sigui bisa cu e suma pa luna cu e cliente mester paga ta cubri  servicionan manera e procesamento di e sushi te cu na momento cu e sushi wordo dera na Seroe Tijshi.

E clientenan automaticamente ta cliente di e Up Cycle Center tambe cu cual kier yega na e punto unda e hendenan na cas ta crea menos desperdicio. Artefactornan cu ta pensa cu no ta den uso mas, por drenta bek den economia, pero den un estado nobo, a enfatiza.

Kier crea mas concientizacion. Ta bay tin partnership cu scolnan y ta bay tene ‘open dag’ na e Up Cycle Center. E conciencia mester bin for di mucha cu esaki ta e caminda cu kier bay.

Finalmente Davelaar a remarca cu Serlimar no tin ningun monopolio y a indica cu te hasta nan ta trahando cu e compania Ecotech  den un relacion di trabao “super bon”.

 

 

- Advertisement -

DUNA COMENTARIO

Please enter your comment!
Please enter your name here