Segun DOW ta ilegal
ORANJESTAD (AAN) — Sigur cu den e ultimo añanan, por a mira cambionan grandi ta tumando lugar ariba Aruba, caminda mas y mas container ta wordo uza, pa asina bira un vivienda.
Esaki sigur pa hopi ta un forma facil pa por yega na tin un dak ariba nan cabez, pero e realidad ta cu esaki tambe ta mustra con mahos bista esaki ta crea pa nos Aruba, cu sigur no tabata wordo propaganda como un Isla di containers como vivienda.
E grandinan a siña pa percura pa traha bo cas y hinca bo famia aden, pero no a papia di hinca bo famia den un vivienda cu no ta apto y mucho menos den un container. Ta di spera cu mas pronto posible, e situacion nan aki haya su debido atencion.
Ya caba DOW a duna di conoce den un entrevista cu DIARIO cu e tendencia aki ta uno ilegal y cu tabata tumando pasonan pa atende cu e doñonan di e containernan of trailernan.
Lo ta bon pa e representantenan di DOW un biaha mas aclarea kico ta e maneho pa loke ta e asunto aki di containernan pa biba pasobra por mira cu containernan ta ‘broei’ manera paddenstoel.
