Home Politica AVP: Banco Central y CBS ta mustra dos caida consecutivo di Aruba...

AVP: Banco Central y CBS ta mustra dos caida consecutivo di Aruba su economia

135
0
SHARE
- Advertisement -

Den e prome y di dos cuartal 2019:

ORANJESTAD (AAN) – Den conferencia di prensa di AVP, a comenta riba otro rapport cu Banco Central y CBS a publica recientemente, y cu ta mustra cu e economia di Aruba a sufri dos caida durante e dos prome cuartal, consecutivo.

AVP ta haya lamentable cu gobierno y e fraccionnan cu ta sostene no ta publica pa pueblo e informacionnan cu BC y Oficina Central di Estadistica, ta emitiendo.

E informacionnan aki ta rond di Aruba su economia, y e poder di compra di e ciudadanonan cu ta wordo afecta, fuertemente, door di e inflacion creciente den nos pais.

Tur esaki como efecto di e medidanan cu gobierno a introduci,  e redoblacion di BBO y e cambionan di accijns di gasoline y di diferente tasa di impuesto cu a crea un inflacion grandi na Aruba y un perdida di confianza den e economia di nos pais.

E rapport cu Banco Central a publica siman pasa ta mustra un desaroyo preocupante segun AVP, den e prome cuartal di 2019 por mira esaki, cu ta e momento cu gobierno a introduci su pakete di medida y ta confirma un situacion cu tur dia tey den comunidad.

Unda cu AVP ta topa cu conciudadanonan nan tin e keho y clamor aki. Asina AVP ta bisa. E prijsnan halto ta afectando nan cartera y nan poder di compra. Y e falta di vision y inspiracion ta afectando e futuro di nos pais.

Mal maneho, incertidumbre y caos cu tin rond di e gobernacion aki ta causando un incertidumbre hopi grandi den nos pueblo na e momentonan aki, y esaki ta refleha den e cifranan di Banco Central y den e falta di confianza cu por constata den nos pueblo, AVP ta remarca.

AVP ta bisa cu esaki ta creando un empobrecimento rapido den nos pais, di esnan cu ta biba cu entrada na rand, hopi margina, ta wordo ainda mas afecta door di e costo di bida asina halto.

Esaki ta wordo papia tur dia door di e sindicatonan di Aruba, cu a cuminza mira cu e trahadornan, e consumidornan ta perdiendo e poder di compra. Nos grandinan, esnan di menos recurso, esnan cu ta biba di salario minimo, esnan cu ta haya bijstand, pero tambe esnan di clase media, tur ta wordo afecta cu e medidanan cu gobierno a introduci.

AVP ta cuestiona esaki pasobra ora e poder di compra di e ciudadania ta cay, e bentanan tambe ta cay, y e negoshinan tambe ta baha nan entrada, nan inversion ta cay y e economia ta stagna.

Segun AVP den e rapport di Banco Central nan ta bisa cu den e di dos gobernacion di AVP di 2013 te 2017 tabata tin crecemento economico na Aruba, pasobra tabata tin plannan, desaroyo, vision, optimismo y confianza den e futuro di e pais. Pero na 2018 cu e gobierno nobo a cuminza cana e caminda di medida, y persecusion politico y blo mira atras kico gobierno anterior a haci, na lugar di articula un vision pa pueblo di Aruba por tin confianza den e futuro, por mira e caida grandi den confianza, den poder di compra y den benta, locual BC ta constata den su “business survey” den e prome cuartal di 2019. Tambe CBS e dos ultimo añanan aki, a raporta despues cu casi no tabata tin inflacion na Aruba, con esaki a bati na porta di nos pueblo, creando hopi pobreza y dolor den nos comunidad. Awor BC ta mustra den su reciente rapport di e di dos cuartal di 2019 un caida riba otro caida.

 

 

 

- Advertisement -

DUNA COMENTARIO

Please enter your comment!
Please enter your name here