Home arte y espectaculo Awenochi tin Ocho maestro y Ocho instrumento musical na Cas di Cultura

Awenochi tin Ocho maestro y Ocho instrumento musical na Cas di Cultura

16
0
SHARE
- Advertisement -

Aruba Symphony Festival ta presenta

ORANJESTAD (AAN): Awenochi lo tuma lugar na Cas di Cultura e conocido Faculty Concert cu ta faborito di hopi seguidor di Aruba Symphony Festival. E Faculty Concert lo presenta ocho maestro di nivel mundial kendenan lo toca nan ocho instrumentonan musical den grupo chikito caminda e zonido puro di cada instrumento por worde aprecia y asina tambe por goza con instrumentonan completamente diferente ta complimenta otro pa haci nan resalta.

Berdaderamente, musica di nivel halto den su optimo claridad. Mayoria di e musiconan tin grado universitario halto y ta profesor na diferente universidad. Entre nan tin Suiso, Brazileño, Mericano, Costaricense, Chines y otro. Bishita www.arubasymphony festival.com y conoce e trayectoria di cada un di e maestronan.

E  programa ta cuminsa awe nochi cu Trio for Trumpet, Violin And Piano. “Sonata” di E. Ewazen.

Carl Cranmer, piano; Olivier Piguet, fiyo; Jean C. Dobrzelewski, trompet.  Ta sigui Adam Liu cu su cello tocando e Suite No. 4 in Eb Mayor BWV 1010 di J. S. Bach. Pa esnan cu tabatin e privilegio di scucha Sr.Liu diaranson anochi, esaki lo ta un treat delicioso.

E programa ta termina cu e quinteto consistiendo di Meghan Woodard riba oboe; Boja Kragulj, clarinet; Olivier Piguet, fiyo; Randolph Kelly, viola, y George Amorim tocando su contrabajo. Maestronan di nivel mundial!

E concierto lo cuminsa 8 pm den sala grandi di Cas di Cultura. Entrada ta GRATIS. Lo tin un caha pa donacion caminda bo por mustra bo aprecio pa e Festival.

- Advertisement -

DUNA COMENTARIO

Please enter your comment!
Please enter your name here