Home General Bo tabata sa… cu registracion na AZV ta un servicio relativamente lihe?

Bo tabata sa… cu registracion na AZV ta un servicio relativamente lihe?

108
0
SHARE
- Advertisement -

ORANJESTAD (AAN): E servicio di AZV pa loke ta registracion a bira masha facil mes. Esaki ta debi na e colaboracion entre diferente instancia manera Censo y Dimas.

   Prome inscripcion:

Pa un prome inscripcion (of despues cu bo a bin biba back na Aruba) ta rekeri pa bo trece un identificacion valido manera un paspoort, cedula of rijbewijs di Reino Hulandes.

AZV mes ta controla e momento ey si bo estadia na Aruba ta uno legal. Tambe AZV ta controla si bo persona ta na Aruba a base di un permiso. Si esaki ta e caso, AZV ta controla si bo persona ta inscribi caba den registro di Censo y si e permiso ta valido.

Despues di e control (evaluacion), AZV ta inscribi bo despues cu bo persona scog’e un dokter di cas (esun cu tin disponibel e momento ey), un botica y un dentista. Ta saca bo potret y bo ta paga pa ricibi bo caarchi di AZV. E servicio ta bay rapido awor aki na AZV.

   Registracion di baby:

Pa inscripcion di baby tin rekisitonan adicional. AZV ta recomenda pa e inscripcion di e baby sosode denter di 1 luna di nacemento di e baby pa cubri su gastonan y e inscripcion ta desde su fecha di nacemento. Mayornan mester tin nan identificacion valido, sea un paspoort, cedula of rijbewijs di Reino Hulandes.

   Baby di mayornan cu permiso:

Si ta un baby di mayornan cu permiso y e baby ta naci na Aruba, e ora mester tin un peticion pa permiso entrega prome na DIMAS. E peticion pa permiso mester a tuma luga denter di e luna di nacemento di e baby pa por cubri su gastonan y e inscripcion lo ta desde su fecha di nacemento.

Si e rekisitonan no a worde haci na tempo, por inscribi e baby na AZV prome cu e haci 1 aña. Despues di esaki mester warda te ora cu e permiso di e baby sali y inscribi’e na Censo pa finalmente inscripcion na AZV por tuma luga. Babynan cu ta worde reconoci a base di un DNA-test tambe tin 1 luna di tempo pa e rekisitonan tuma luga. Pero den caso cu esaki ta despues di 1 luna, e inscripcion lo tuma luga segun e fecha cu presenta na AZV (y no e fecha di nacemento di e baby).

   Baby cu nace den exterior:

Baby cu nace den exterior pa motibo cu e mama a worde manda door di AZV pa duna luz, ta bin na remarca pa inscripcion manera cu nan regresa Aruba. Aki ta conta cu mester inscribi na Censo prome cu e acta ‘apostilla’ di exterior. Tambe ta conta cu pa baby cu mester tin permiso, mester corda di haci e peticion pa permiso prome na DIMAS pa despues pasa na AZV pa inscripcion. Den tur dos e casonan menciona akinan, e baby ta bin na remarca pa inscripcion desde e fecha di nacemento den exterior.

   Bon pa sa:

Tur baby por worde inscribi door di nan mayornan of un apoderado sin cu mester presenta cu e baby na AZV. AZV ta duna un ZorgPas (caarchi di AZV) sin potret. E ZorgPas ta gratis y e ta valido 1 aña. Despues di 1 aña e ora si ta obligatorio pa pasa AZV cu e baby pa saca potret pa un ZorgPas nobo.

Solamente den caso cu e mayornan mes ta desea un ZorgPas cu potret di e baby,es decir di ora cu el a nace y ya kier e potret riba su ZorgPas, e ora mas cu claro lo mester presenta cu e baby na AZV y lo tin gasto mara na esaki (10 Florin). Pa mas informacion por tuma contacto cu AZV na 527-9900 of bay riba nos website www.azv.aw

 

- Advertisement -

DUNA COMENTARIO

Please enter your comment!
Please enter your name here