Home Salud Bo tabata sa…cu AZV ta cubri tres sorto di transplante di organo?

Bo tabata sa…cu AZV ta cubri tres sorto di transplante di organo?

42
0
SHARE
- Advertisement -

ORANJESTAD (AAN): Organo Ehecutivo AZV ta e instancia encarga cu ehecucion di e ley AZV. E ley AZV ta e seguro medico general di Aruba, e seguro pa cuido curativo. AZV ta cubri cuido di dokter di cas, specialista, partera, fisioterapista, dentista, ingreso den hospital, remedi, medionan auxiliar y cuido medico den exterior den caso cu tratamento no por tuma luga na Aruba.

    Transplante di organo:

Segun Ley di AZV ta exclui di e cobertura tur tipo di transplante di organo cu excepcion di tres tipo di transplante di organo cu si ta worde cubri, esta e transplante di cornea (lens di wowo), e transplante di riñon y e transplante di beenmerg.

Pa cada uno tin cierto criterionan y liñanan di guia medico cu mester worde sigui. Tambe ta asina cu pa cada uno, Aruba tin e infrastructura (cuido medico) necesario despues cu ricibi e transplante di e tres organonan menciona.

   Historia:

Loke ta importante pa compronde, ta cu e tempo aya, esta na aña 1992 ora a skirbi e Ley di AZV, e circumstancianan tabata otro. Hopi tipo di transplante di organo no tabata proba (medicamente) suficientemente of e chens pa un transplantacion exitoso no tabata hopi halto, of no tabata tin na Aruba e infrastructura pa percura pa e cuido medico (integral) pa e pashent despues di e operacion.

A opta e ora ey pa exclui tur tipo di transplante cu excepcion di esunnan cu si tabata proba caba of cu den circulo medico tabata tin consensus cu e ‘chens di slaag’ tabata riba promedio; cu otro palabra cu e pashent su chens di sobrebibi tabata halto (den caso di transplante di riñon of beenmerg).

A dura hopi aña prome cu e introduccion di AZV, cual finalmente a sosode na 2001.

   Situacion local y den exterior:

Despues di e introduccion di AZV, ora a keda monitoria y evalua e desaroyonan riba tereno di cuido medico ta wak cu den e circulo medico den exterior cierto transplante si a bira algo mas comun y proba medicamente.

Lamentablemente na Aruba ainda no tabata of tin tur e infrastructura of tipo di cuido necesario pa cierto tratamentonan, incluyendo e cuido pa por ehempel personanan cu a haya un transplante di organo manera transplante di higra.

   Ley AZV:

Un factor hopi importante ta e ley di AZV mes. Si acaso bin na e conclusion cu tin concensus medico riba e efectividad y e chens di slaag mes, ainda lo mester bin un cambio di ley pa ofrece cobertura. Un cambio di ley ta un procedura extenso cu no por realisa di un dia pa otro. Un cambio di ley ta encera tambe un evaluacion di ley integro cu ta nifica, cu mester bay tuma decisionnan kico si y kico no kier hinca bou di e cobertura di AZV.

Un topico pa cual AZV a menciona cu ta uno hopi sensitivo pa cual mester tin discusionnan extenso cu por ehempel esnan cu ta skirbi ley y Gobierno di Aruba y cu lo mester tin suficiente apoyo politico. Ta decisionnan cu lo mester worde tuma.

Te cu awe AZV ta monitoria tur desaroyo mundial. Asina tin paisnan unda por ehempel transplante di curason ta tumando luga. Esaki no ta nifica cu Aruba automaticamente lo haya esaki bou AZV paso (ainda) esaki ta exclui for di nos ley.

    Evaluacion di ley AZV:

Pa por cambia e ley di AZV mester evalua preguntanan manera kico tur kier amplia bou di AZV, kico tur tin mester pa e cuido di e pashent despues cu e yega Aruba, con largo e tratamento lo worde duna y si Aruba por (sigui) duna e cuido aki?

Ta berdad cu awor despues di hopi aña tin diferente desaroyo medico positivo tumando luga na Aruba, entre otro pa pashentnan cu malesa di higra of otro tipo, pero cambio di ley ta un proceso cu lamentablemente no ta tuma luga di un dia pa otro. Lo mester wak den futuro (hopi) cercano kico ta e cambionan cu ta desea y cua ta realisable.

- Advertisement -

DUNA COMENTARIO

Please enter your comment!
Please enter your name here