- Advertisement -
ORANJESTAD (AAN)- Diamars atardi e grupo di oracion Lazos de Amor Mariano Totus Tuus a celebra nan di 20 aña cu un bunita procesion y santo sacrificio di misa di Virgen del Carmen.
E procesion a cuminza na e pier dilanti Cas di Gobernador unda a pone e birgen riba un boto y di eynan el a Sali bay te na Fisherman’s Hut unda a sake bek for di riba e boto y pone riba un pickup y a bay cu ne pa Kapel di Alto Vista.
Eynan a sigui un procesion y Santo Rosario na e stashinan te na e kapel, sigui pa un Santo Sacrificio di Misa. Hopi devoto a bay pa acompaña e bunita procesion aki.
- Advertisement -
