Home Cultura Cas di Cultura ta introduci nan iniciativa nobo ‘INCBTR’

Cas di Cultura ta introduci nan iniciativa nobo ‘INCBTR’

72
0
SHARE
- Advertisement -

ORANJESTAD (AAN): INCBTR, pronuncia como ‘incubator’, ta un iniciativa di Cas di Cultura (CdC), unda ta stimula gruponan di teatro, baile, musica y cine y de mas industrianan creativo pa desaroya talento di alumnonan y purba yega na expresionnan nobo.

INCBTR, e abreviacion di INcentivandoCreatividad y BroeiTalento pa medio di Realisacion, ta un di e resultadonan di e vision mas amplio di CdC pa enfoca mas activamente riba arte di tarima, industria creativo, expresionnan corporal, creatividad, desaroyo di talento y experimentacion den arte.

E filosofia general di INCBTR, como espacio fisico tambe (conoci como Kleine Balletzaal), no ta pa solamente arte y cultura florece den dje, pero tambe pa sirbi como sitio inspirativo pa varios otro tipo di actividad manera brainstorms, reunionnan, presentacionnan, shownan chikito of como ‘breakout room’ durante congresonan.

MISION

E mision di Cas di Cultura su INCBTR ta pa produci Arte di Tarima (Performing Arts) educativo, di calidad halto cu ta stimula, involucra y entretene; cu ta eleva e calidad di bida pa ciudadanonan di Aruba y cu ta afirma e base comun di e experiencia humano pa medio di excelencia den produccion y interaccion educativo.

INCBTR ta aspira pa ta un lider den comunidad door di produccion di Arte di Tarima di calidad, y mas amplio dentro di e Industria Creativo, cu ta ilumina y investiga e area comun humano di nos tur. Nan ta afirma cu Arte di Tarima y e Industria Creativo por y ta entretene, stimula, inspira, cuestiona, eleva y concientisa. Nan creencia ta cu Arte mester ta pa tur hende y mester genera interaccion y discusion di balor.

PARTNERNAN Y EVENTONAN

Bao di e mesun dak di Cas di Cultura, Stg. Schouwburg Aruba, ta opera Scol di Musica Rufo Wever, Da Vinci Academy y Scol di Baile Diana Antonette cu cual ta formando un partnership pa conhuntamente haci mas actividad y hunto duna mas nificacion, Cas di Cultura como centro cultural completo.

GRUPONAN DEN INCBTR DEN 2019

  • ‘Acting Classes’ bou guia di Charles Croes
  • ‘Capoeira ‘ bou guia di Chris Goedthart
  • ‘Stichting Saturdays’ bou guia di Jess Wolff
  • “Scriptwriting bou guia di Ben Heinze.
  • “Salsa Speciality” bou guia di Freddy Gross.
  • “Film Summer Camp” bou guia di Rebecca Roos.
  • “Portrait Photography” bou guia di Kuro.
- Advertisement -

DUNA COMENTARIO

Please enter your comment!
Please enter your name here