Home Hudicial Caso ladronicia di caha fuerte for di Burger King posponi

Caso ladronicia di caha fuerte for di Burger King posponi

86
0
SHARE
- Advertisement -

ORANJESTAD (AAN): Recien den Corte di Husticia, a presenta e hombernan W.W. y A.M., pa e caso penal cu Ministerio Publico a cuminsa contra nan. Nan ta wordo sospecha di a horta na un di e restaurantnan di Burger King y a bay cu un caha fuerte. Door cu actualmente ta den e temporada di receso, no a trata e caso aki pero a fiha un dia na November 2019.

ASALTO ARMA

E acusacion cu Fiscal a presenta den Corte contra W.W. y A.M. ta cu riba 29 April 2019, nan a haci horta na un Burger King restaurant y bay cu e kluis.

Fiscal tambe ta acusa e homber A.M., di tabatin un arma di candela den su poder e mesun dia ey. Mucho detaye Fiscal no a duna riba e caso pero mirando cu A.M. tabatin un arma di candela, posiblemente e intension lo tabata pa menaza hende cu e arma aki. No ta conoci cu e ladronicia aki a sosode den dia cla.

CASO POSPONI

Fiscal a bisa Hues cu e caso a bin dilanti pro forma. El a propone pa tratamento di e caso tuma lugar dia 8 November 2019. Hues a bay di acuerdo cu e proposicion di Fiscal. Hues a pospone tratamento di e caso pa dia 8 November 2019 y cu e dos sospechosonan lo keda encarcela te dia di e caso.

 

 

- Advertisement -

DUNA COMENTARIO

Please enter your comment!
Please enter your name here