ORANJESTAD(AAN): Diahuebs atardi a tuma lugar apertura di e oficina di Tourism Oriented Policing na playa
Durante un conferencia di prensa CEO di AHATA y presidente di Aruba Hospitality & Security Foundation(AH&SF) Tisa LaSorte a bisa cu e ta hopi conciente con importante seguridad ta pa e turismo di Aruba.
“Nos semper ta traha hopi coordina cu polis di Aruba y cu ministerionan, pa nos por tin un bon programa na Aruba pa tene nos hendenan y nos turistanan hopi sigur”.
“Pesey nos ta hopi contento cu tin un departamento cu ta enfoca riba Oranjestad unda cu e turistanan ta cana pa bin shop, come y pa entretenimento”.
“Awor cu e departamento tin un cas nobo ta sumamente importante y nos ta bisa pabien na minister di Turismo, minister di Husticia, na Alto Comisario Ho y na henter e departamento di KPA”, segun LaSorte.
