Home General Clientenan di Ambiente Feliz a disfruta di tour organiza pa ABC Tours...

Clientenan di Ambiente Feliz a disfruta di tour organiza pa ABC Tours & Attractions

45
0
SHARE
- Advertisement -

Bayendo pa di tres aña cu bunita colaboracion

ORANJESTAD (AAN):  Recientemente, ABC Tours & Attractions a organiza un tour pa e clientenan di Stichting Ambiente Feliz.  Esaki ta wordo haci como parti di un donacion anual na e instancia di parti di e compania.

E dia aki e clientenan di Ambiente Feliz a wordo busca na Santa Cruz y hiba den un dushi tour na e costa noord di Aruba.

Pa haci esaki posibel a pone tres jeep disponibel pa asina tur por a pasa masha dushi mes y sinti nan mes comodo.

Pa di tres aña ABC Tours & Attractions ta organiza e tour-donacion aki na Stichting Ambiente Feliz pa asina e clientenan por goza di un dia ameno rondona di naturaleza y goza  como un turista ariba e isla.

E tour a cuminza na Ayo Rock Formation unda un y tur a baha y cana un rato. Despues a sigui bay na e brug na Blackstone Beach, Andicuri y Natural Bridge.

Despues di a baha un rato na Natural Bridge unda a disfruta di e bunita bista, a sigui cu e tour pa e Minanan di Oro. Eynan a baha, saca potret y cana rond.

E tour a finaliza na Kapel di Alto Vista, na unda a caba e dia cu un oracion cortico dunando Dios danki pa tur bendicion.

ABC Tours & Attractions ta masha contento di por a haci e contribucion aki na Stichting Ambiente Feliz. Ta spera tambe cu esaki por bira posibel den un otro oportunidad.

- Advertisement -

DUNA COMENTARIO

Please enter your comment!
Please enter your name here