Home Enseñanza Colegio EPI ta sigui crece y mester di mas fondo

Colegio EPI ta sigui crece y mester di mas fondo

10
0
SHARE
- Advertisement -

Scol no por depende di e maneho financiero di Gobierno

ORANJESTAD (AAN):  Ryan Maduro como director di Colegio EPI a duna di conoce cu nan tin nan retonan pero nan ta contento cu e aña escolar aki e porcentahe di graduadonan a subi.

Entre otro aspectonan Maduro a indica cu nan ta bezig renobando nan curriculum y treciendo opleidingnan nobo.

Banda di esaki el a bisa cu pa otro aña, e ta sigur cu ora aña escolar habri, nan ta pone nan metanan dilanti y atrobe e porcentahe di graduadonan ta un di nan. Pero tin otro metanan cu nan kier logra tambe.

El a bisa cu EPI mester crea fondonan y esey ta un di e punto cu nan ta trahando ariba dje pa wak ki otro alternativa tin. Ora cu ta un scol publico tin cosnan cu no por haci y den e caso aki hisa prijs di estudio ta algo cu ta mara completamente na decisionnan di gobierno. EPI tampoco ta un stichting, a remarca.

Segun Maduro, nan ta pensando den formanan creativo ariba con por yega na otro alternativanan pa genera entrada pa EPI. “Nos no por bira completamente dependiente di pais Aruba”, a bisa.

Su perspectiva ta pa cuminza traha cu partners den sector comercial den forma mas activo y asina yuda otro.

EPI su realidad ta cu ta sigui crece y esey ta hacie hopi dificil, den nan situacion actual como scol publico. Pesey mester di un dialogo hopi mas amplio pa papia ariba ki otro modelnan por tin pa EPI pa asina  no keda dependiente di e burocracia di gobierno, pero tambe di e maneho financiero di gobierno, e director di e institucion a finaliza bisando.

 

 

- Advertisement -

DUNA COMENTARIO

Please enter your comment!
Please enter your name here