Home Hudicial Como 470 kilo di cocaina balora na $14 miyon intercepta riba lama...

Como 470 kilo di cocaina balora na $14 miyon intercepta riba lama panort di Aruba

2001
0
SHARE
— Momento cu esnan riba boto FRISC ta hands-up e tripulantenan di e Go Fast.
- Advertisement -

ORANJESTAD (AAN): Den e anochi di Diamars 30 di Juli 2019,  barco di Marina Real Zr.Ms. Groningen, cu aworaki ta haciendo trabao pa Wardacosta di Caribe Hulandes, a logra captura un lote grandi di droga.

— Momento cu tabata pisando e droga.

Durante un patruya di e avion Dash-8 di Wardacosta ta bulando riba parti panort di Aruba, nan a nota con un Speedboat tipo Go Fast ta moviendo.  Mesora a notifica demas instancianan, y un mensahe a yega na e barco.

Aki esnan di e barco, a pone e helicopter NH-90 di Zr.Ms. Groningen lanta vuelo, y a bay den e direccion di e Go Fast.  Tambe Marineronan a subi la,a cu un speedboat FRISC cu a ranca sali direccion di e Go Fast.

Atrobe usando nan forma acostumbra, nan a logra pone e boto para.  Autoridad a bay check, y abordo a haya mas o menos 470 kilo di cocaina tur empaketa den e Go Fast.

   Tarea Zr.Ms. Groningen:

Zr.Ms. Groningen for di dia 20 april ta activo den e area di Caribe. E barco ta worde usa pa actua durante di operashonnan contra droga y pa ayudo humanitario. Banda di esey e ta wordu usa pa diferente tarea di Warda Costa manera investigashon di pesca ilegal, delicto ambiental y pa rescate. Pa por haci e trabao aki Zr.Ms. Groningen tin dos FRISC (interceptor rapido) y un helicopter NH-90.

    Buskeda:
Durante e patruya di e avion Dash-8 di Wardacosta panort di e islanan ABC a mira un boto ta moviendo hopi rapido, un asina yama Go Fast. Zr. Ms. Groningen a cambia su direccion pa e boto. E helicopter NH-90 a sabi di stop e Go Fast ya compaña esaki te ora cu e interseptor FRISC a yega.
E droga y e tripulante a wordu tuma a bordo di Zr.Ms. Groningen pa su siguiente dia keda entrega na Warda Costa.

 

- Advertisement -

DUNA COMENTARIO

Please enter your comment!
Please enter your name here