Home Gobierno Crimen di abuso sexual no ta caduca mas

Crimen di abuso sexual no ta caduca mas

277
0
SHARE
- Advertisement -

Un señal mas cu ta sali di Codigo Penal:

ORANJESTAD (AAN) – Minister di Husticia mr Andin Bikker a trece dilanti un punto masha interesante den conferencia di prensa, ora el a splica cu den e proyecto di ley nobo pa loke ta regarda e castigo maximo pa abuso di menor, e crimen no ta caduca.

El a comenta cu personanan cu a wordo abusa, na modo di ehemplo, un 20 aña pasa, ainda por haci denuncia y riba esaki a puntra e mandatario cu e procesamento di ta mustra dificil, debi cu kizas lo no ta factible mas pa recauda prueba y cu posiblemente e lo ta e palabra di un victima contra esun di e victimario.

E dignatario a menciona cu esaki ta un Bewijs Wet  (Ley di prueba) unda tin diferente manera pa yega na e pruebanan aki. Por tin consistencia den e declaracion di e victima, como tambe declaracionnan adicional cu por sostene e denuncia di e victima, etc.

Minister mr.Bikker, a indica cu Codigo Penal ta e ultimo remedi, y pesey gobierno a bin cu un plan integral manera e Social Crisis Plan, y diferente departamento cu ta traha cu aspectonan social, educacion, cu hunto cu diferente ministerio ta atendiendo cu e temanan aki, pa na final di dia preveni cu algo sosode.

Un di e aspectonan di e Codigo Penal ta, por ehemplo, aumenta e castigonan pa duna di conoce na e abusadornan cu e crimen aki ta hopi serio, y cu no ta permisible pa nan pense seis biaha prome cu nan bay over na un acto asina.

Esaki ta e señal cu husticia kier duna cu esaki y e hecho cu e crimen no ta bay caduca mas tambe tin e mesun efecto, cu ta mustra e seriedad con e comunidad ta tuma e tipo di crimennan aki. Esaki ta un señal cu tambe ta sali di e Codigo Penal di Aruba, e dignatario a subraya.

- Advertisement -

DUNA COMENTARIO

Please enter your comment!
Please enter your name here