Home Gobierno Den futuro cercano ta bay tin mas proyecto conhunto, basa riba e...

Den futuro cercano ta bay tin mas proyecto conhunto, basa riba e cooperacion cu sector priva

60
0
SHARE
- Advertisement -

Minister Bikker:

ORANJESTAD(AAN): Awor cu den centro di playa polis tin un oficina nobo yama Tourism Oriented Policing, minister di Husticia Andin Bikker a keda sumamente satisfecho.

“Awe ta un dia historico, den sentido cu nos ta cumpliendo cu e programa di gobernacion”.

“Prome cu nos a drenta gobernacion caba nos a haya hopi peticion di diferente establecimento pa bin cu un oficina ariba den LG Smith Boulevard, den e area turistico di Playa, caminda cu e turistanan di crusero, otro turistanan y nos pueblo ta frecuenta”.

“Nos a duna oido na esaki y nos a pone den nos programa di gobernacion, den diferente presupuesto”.

Esaki segun Bikker durante un conferencia di prensa Diahuebs atardi, unda cu el gradici Parlamento tambe pa nan aprobacion di esaki.

“Awe nos ta hasi apertura di e oficina aki cu ta centralmente situa den e area di crusero y unda cu nos pueblo tambe ta frecuenta”.

Esaki segun e mandatario, kende a reconoce esnan cu tabata encarga como hefe di departamento di TOP(Tourism Oriented Policing and Proteccion Services).

Ta trata di Roy Richardson (q.e.p.d), Benny Bikke, Kevin Peterson y actualmente Robert Lito Kock.

“E oficina aki ta un iniciativa conhunto di Aruba Hospitality & Security Foundation (AH&SF), AHATA,  KPA y ministerio di turismo y nos ta hopi agradecido pa e cooperacion estrecho aki”.

“Mi por anuncia for di aworaki cu den futuro cercano ta bay tin mas proyecto conhunto, basa riba e cooperacion akinan cu sector priva”, segun Bikker.

 

- Advertisement -

DUNA COMENTARIO

Please enter your comment!
Please enter your name here