Home General Despues di mas cu 20 aña un investigacion ta worde haci riba...

Despues di mas cu 20 aña un investigacion ta worde haci riba consumo di droga na Aruba.

16
0
SHARE
- Advertisement -

Na bienestar di salud mental pa nos hobennan

ORANJESTAD (AAN): Hopi ta esnan den nos comunidad cu ta preocupa pa cu e problema di droga na Aruba. Responsabilidad di un gobierno ta pa educa e comunidad por medio di programanan preventivo pa asina evita cu nos hobennan ta cay den adiccion.

“Bo ta puntra bo mes  con por ta posibel cu un gobierno ta permiti 8 aña pasa sin inverti riba tereno di salud mental.” Esaki ta expresionnan di e Mandatario Minister di Salud Publico Sr. Dangui Oduber. “E ultimo investigacion haci ariba consumo di droga y alcohol aki na Aruba tabata 20 aña pasa.”

Hopi cos a cambia durante 20 aña y mirando tambe cu no tabata tin ningun maneho pa 8 aña largo riba tereno di “verslavingszorg” a dicidi di bin cu un investigacion pa asina nos sa unda nos ta para y pa por traha riba miho plannan preventivo.

E investigacion aki ta focus riba e factornan di riesgo bou di hobennan pa desaroyo di adiccion na diferente substancianan. E investigacion aki lo tin un duracion di 6 luna y abase di e resultadonan lo bin cu maneho y intervencionnan mas specifico pa cu nos hobennan pa asina traha na un manera preventivo pa evita cu nos hobennan ta cay den adiccion.

Esaki un biaha mas ta mustra cu e gobierno aki ta percura pa e ser humano ta central.

- Advertisement -

DUNA COMENTARIO

Please enter your comment!
Please enter your name here