Home Enseñanza Docentenan ta sin paz y ta intrankil, y no por sigui traha...

Docentenan ta sin paz y ta intrankil, y no por sigui traha den forma asina

186
0
SHARE
- Advertisement -

Manifiesto entrega na Gobierno

ORANJESTAD (AAN): Diaranzon atardi, miembronan di Sindicato SIMAR como tambe Sindicato SEPPA a acudi cu un grupo basta grandi canando for di Juliana Park te dilanti di Parlamento y tambe Oficina di Gobierno.

Esaki pa haci entrega di un carta di desconfianza na nomber di docentenan rond Aruba, contra Ministro di Enseñanza, Dr. Rudy Lampe.

Manera DIARIO a trece dilanti caba, e problemanan di enseñanza na Aruba ta escalando na forma hamas bisto, y pesey docentenan a dicidi cu ta basta, y hunto cu Sindicato a keda di bay lanza nan voz di protesta tanto dilanti Parlamento y tambe Oficina di Gobierno.

Diaranzon atardi nan a cana for di Juliana Park te direccion di Gobierno.

Dilanti oficina di Parlamento di Aruba, e vice-presidente di Staten, Alan Howell a baha pa ricibi e Manifiesto di e Docentenan.

Dilanti Gobierno, ta vice-Prome Ministro Otmar Oduber a ricibi e manifiesto.

Ademas di Josephine Albertus, uno cu a papia tambe ta Magaly Brito di SEPPA, kende a splica con grandi e malcontento ta reinando den mundo di enseñanza na Aruba.  Caminda hopi decision ta wordo tuma sin tene consideracion cu stakeholders.  Y a bisa claramente cu nan tin desconfianza awor den Ministro di Enseñanza, Rudy Lampe.

Docentenan ta spera cu Parlamento por tuma tempo pa asina analiza y reflexiona riba e rumbo cu enseñanza ta bayendo.  Den ultimo simannan ta hopi grupo a expresa nan preocupacion.  Y pesey mes esaki a resulta den un manifiesto y tambe carta di desconfianza.  Specificamente a enfoca riba e trato cu docentenan ta hayando di Ministro di Enseñanza.

E lider di SEPPA a expresa kico ta e dolor di e docentenan, y con diferente preocupacion ta andando, den e.o. gruponan di MDC, SPO, y tambe Trai Merdia, aunke pa esey a haya un tiki solucion.

E mensahe ta, cu docentenan y tur esnan cu ta labora den mundo di enseñanza no tin paz y no ta trankil, y no por sigui traha den forma asina.

Ta mobilizando esfuerzonan pa defende derecho di docentenan, enfocando pa suspende decisionnan cu ta perhudicando nos sistema di enseñanza, tambe e docentenan, y tur esnan cu ta traha den sistema di enseñanza.

Na April 2018 caba Parlamento a pone un mocion na Ministro unda mayoria a pidi pa mehora y reforza e.o. e Departamento di MDC.  Awe na 2019 e grupo tey ainda cu mesun problema, y envez di a mehora y reforza, a debilita e grupo!  “A masacra e grupo aki”.

Pesey docentenan a mustra cu no tin trankilidad, y asina a entrega un mocion di desconfianza contra Ministro di Enseñanza.

A ser mustra tambe na Gobernantenan cu si acaso e Aña Escolar nobo habri y tin mesun problema, e ora lo bay tin mas consecuencia.

Tur cos ta mustra cu haci wega, maniobra robez den un ambito educativo no ta reduci ni regula e extension di calidad di enseñanza, y tampoco ta regla e acceso di diferente grupo social di no reconoce posibilidadnan y tampoco ta garantiza e desaroyo desea.  E sistema di educacion di Aruba lo no bira mihor di e forma aki cu Ministro ta haciendo.

- Advertisement -

DUNA COMENTARIO

Please enter your comment!
Please enter your name here