Home Policial Dos mucha a muri cu accident cu Sea-Doo na St. Maarten

Dos mucha a muri cu accident cu Sea-Doo na St. Maarten

873
0
SHARE
- Advertisement -

ORANJESTAD (AAN): Informacion for di St. Maarten ta indica cu Diadomingo madruga, tanto Polisnan di parti Hulandes como parti Frances a uni pa asina busca dos mucha cu ta perdi despues di un fiesta.

Tabata banda di 3:00 am, cu Polis na parti Frances a haya yamada cu dos mucha no a regresa cas.  Despues a bin sali na cla, cu e muchanan aki a tuma un Yamaha Sea-Doo Waverunner for di e banda Frances, y a bay core cune den forma di joyriding den e lagun.  A cuminza busca den e lagun, pero no a haya e muchanan ni e Sea-Doo.

Polis di parti Hulandes tambe a cuminza busca, incluyendo esnan di Guardacosta, y tambe Sea Rescue.  Un Helicopter Search Team for di isla di Guadeloupe tambe a lanta vuelo pa bay yuda St. Maarten.

Despues durante oranan di mainta, autoridad a bin descubri dos curpa di e muchanan aki na e banda Frances den e lagun, y e Sea-Doo Waverunner tur kibra a wordo haya den lama cerca di e banda hulandes.

Claramente nan lo a dal masha duro mes cu e Sea-Doo y a perde nan bida den e accident aki.

Autoridad a saca e Yamaha Sea-Doo Waverunner y hibe pa stacion di Guardacosta pa investigacion.

E nombernan di e muchanan no a wordo revela, y tin di bay determina e causa exacto di morto di nan tambe.

 

- Advertisement -

DUNA COMENTARIO

Please enter your comment!
Please enter your name here