Home Editorial E inhusticia di belasting enfrente sector priva

E inhusticia di belasting enfrente sector priva

134
0
SHARE
- Advertisement -

Editorial

E crisis cu Aruba conoce actualmente, no ta algo cu a surgi diripiente. E ta un situacion cu a wordo crea dor di maneho financiero di gobernacion, cu a distingui su mes for di e maneho cu un compania priva mester mantene pa evita cu e ta bati bankroet y cera su portanan.

Comercio no por practica e mes formula pa entrada y ganashi cu gobernacion ta mantene pa e motibo cu comercio no tin e autoridad di exigi pago manera un gobierno tin den cobransa di belasting.

Si tur negoshi local cera nan porta, e cantidad di trahado cu tambe mester paga belasting tambe ta baha. Si tene cuenta cu e cantidad di trahadonan cu e negoshinan chikito y mediano ta emplea, por bisa cu gobernacion ta den un problema serio si placa di comercio local y su trahadonan no drenta lachi di gobierno.

Con husto nos leynan fiscal ta? Nos leynan fiscal no por ta husto den un sistema cu ta permiti politiconan trata cu entrada di e pais, na un forma cu mester crea problema pa e pais. Nos leynan fiscal no por ta husto,  si entrada di gobernantenan ta proteha y no ta baha den tempo di crisis, mientras comercio cu ta fuente di e entrada mester mira con e ta kibra su nek pa e paga belasting.

Ora gobernantenan baha, hasta si nan destrui e pais, nan tin areglo pa haya placa te ora nan tin entrada nobo y nan por conta cu pensioen pa e tempo cu nan tabata gobernante. Ora comerciantenan bira bieu, nan mester mira con nan ta tene nan mes na bida.

Pa gobierno cera su porta ta masha dificil. Cualkier empresa den e situacion cu gobierno ta actualmente, lo mester a cera su porta. Pero e aparato gubernamental incluyendo politiconan cu a destrui e pais, mester keda habri.

Awe Aruba ta paga pa fayo gubernamental. Comercio y trahadonan den comercio mester paga pa e crisis cu gobierno anterior a crea.

Mientras gobierno ta duna su mes espacio  pa paga comercio pa servicionan, comercio mester keda sin paga su trahadonan si ta necesario, pa paga belasting y primanan cu hasta ta resultado di mal trabou di gobernacion.

Na e momento cu e trahado cobra, e mester paga placa pa gobierno por cobra placa cu autoridad absoluto.

E crisis cu Aruba ta pasa aden ta prueba di inhusticia enfrente comercio pasobra ta placa di comercio tambe a wordo malgasta mescos cu placa di e trahadonan den comercio cu awe tin miedo pa e crisis no costa nan pan.

Comercio por tuma paso. Comercio por dicidi cu no ta entrega mercancia mas na gobierno si gobierno no por paga inmediatamente. Comercio por dicidi cu ta stop servicio na gobierno a base di areglo special di pago. Si esaki sosode, e pais cu ta nos tur, ta den problema mas grandi.

E crisis cu Aruba conoce actualmente ta prueba di inhusticia contra comercio local, cu ta ader mayor di e situacion financiero di Aruba.

Un pregunta ta confirma inhusticia: si Aruba tabata nan negoshi priva, gobernantenan di ayera lo a crea e crisis cu awe ta suta trahado di belasting?

 

 

- Advertisement -

DUNA COMENTARIO

Please enter your comment!
Please enter your name here