Home General E prijs cu Aruba a y lo paga pa aventura Mike Eman

E prijs cu Aruba a y lo paga pa aventura Mike Eman

656
0
SHARE
- Advertisement -

Resumen

Pueblo ta paga Belasting “Bo Aruba”, debe, interes, inversion Citgo 

Na final di siman pasa, un capitulo a cera manera DIARIO a splica pueblo cu lo pasa.  Di e forma aki tambe ta yega un desenlace na un di e pio manipulacionnan politico cu Aruba a yega di conoce y den cual fondonan di pueblo a wordo uza pa e aventura politico di Mike Eman.

E desenlace di Citgo ta nifica cu Aruba awor tin garantia cu e crecemento economico cu Mike Eman a priminti como solucion pa e desastre financiero cu Aruba tabata aden na 2014, tabata un storia cu e tabata sa cu por a rementa cualkier momento a base di e situacion cu Venezuela tabata aden y e hecho cu Citgo ya a wordo hipoteca dor di Nicolas Maduro na Rusia y financiadonan Mericano.

Pues no solamente e regimen desastroso di Chavismo na Venezuela cu ya tabata bou investigacion mundial pa actonan criminal, pero e hecho cu Citgo mes tabata un problema grandi, mester a haci cu gobierno Mike Eman mester tabata cuidadoso cu loke el a haci.

Pa gobierno Mike Eman sinembargo, Citgo no tabata un motibo pa bienestar di e pais na e momento pero otro forma pa sigui haya popularidad electoral di pueblo di Aruba, cu na 2009 a wordo hinca den e aventura di Mike Eman, cu a cumpra curason di Aruba cu e asunto di BBO.

Cuanto placa Mike Eman y su partido a costa Aruba? Unda fondonan cu awe Aruba mester pa e por cubri gastonan importante a keda?

Pa baha BBO, Mike Eman a crea e debe di 100 Miyon e prome aña di BBO. For di e momento, e debe a sigui crece mientras pa supuestamente crea actividad economico, gabinete Mike Eman a reparti proyectonan PPS cu pueblo no por a controla, pero awe pueblo mester paga cu belasting special.

Bienestar di Aruba a wordo destrui na bienestar politico di Mike Eman, cu manera un actor di cine continuamente tabata kita atencion di pueblo cu dramanan cu el a crea.

Pueblo a kere den Mike Eman y su gobierno, cu tabata uza fondonan di e pais cumpra popularidad pa nan mes.

Na 2014 Mike Eman tabata sa cu Aruba no tabata por mas. Hulanda a bati alarma pero el a hunga su wega di welga di hamber y a kita tur atencion.

Cuanto placa Mike Eman y su gobierno a costa Aruba, cu awor ta mira un problema social sumamente grandi pasobra fondonan di Aruba a wordo inverti den un campaña continuo pa Mike Eman keda votegetter?

Cuanto placa di Aruba a wordo gasta pa e biahenan relaciona cu Citgo y tur e gastonan cu Aruba mester a haci pa introduccion di e proyecto?

Gabinete Mike Eman awe tin hopi di splica Aruba. Pero Mike Eman no ta den Parlamento pero riba baricada, caminda e ta para grita y sigui hunga cu emocion di pueblo.

Pero berdad ta rementa den su cara mientras pueblo ta paga belasting y tur tipo di medida cu ta resultado di kita BBO y culmina Aruba cu politica cu pueblo mester a financia y awe ta pone pueblo sufri y Aruba cay den un abismo cu tin un nomber: gobierno Mike Eman!

 

 

 

 

 

- Advertisement -

DUNA COMENTARIO

Please enter your comment!
Please enter your name here